Tea lë Veselin për Fisnikun

Banorët e shtëpisë më të famshme në Shqipëri janë shumë të qetë. Në dhomën e gjumit janë fikur dritat. Ata bëhen gati që të flenë. Xhensila nuk ndihet mirë dhe i kërkon Fatjonit që të shtrihen. Zaida dhe Marsuela po lajnë enët në kuzhinë.

Veseli dhe Tea janë në shtratin e tij. Ai i thotë se ka zgjedhur atë shtrat pasi është pikë strategjike për të mbikëqyrur atë. Tea qesh dhe i thotë “po e di që e zgjodhe sepse vetëm ky shtrat ishte bosh” dhe fillojnë të qeshin. Pasi banorët mblidhen në dhomë Veseli i kërkon Teas që të vesh dicka të trashë dhe të dalin në oborr. Ajo i thotë se do të ndërrohet dhe të bëhet gati për gjumë duke i lënë të kuptojnë se nuk do të dal jashtë. Veseli del jashtë dhe i thotë se po e pret.

Alba dhe Diedoni janë shtrirë tashmë. Ajo thërret Tean dhe i thotë se e do shumë. Me ta bashkohet dhe Fisniku. Tea dhe Fisniku fillojnë të luajnë sipër shtratit të Diedonit dhe Albës. Maria u bashkohet dhe ata luajnë deri sa shtrati i tyre përfundon me dërrasa në tokë. Kristi është banori i radhës që bashkohet me ta. Banorët fillojnë të luajnë. Kristi rreshket dhe kjo i shton të qeshurat në shtëpi.

Maria përshëndet të dashurin e saj Kolin. Kristi pyet për të dhe Alba ndërhyn duke i thënë: “Koli i ka thënë Marias në një video mesazh që Vëllai i Madh ia ka bërë surprizë në një ka spektaklet e së Shtunës,vetëm mos mu dhëntë mundësia se e di unë ca do ti bëj”.Kristi në fillim i merr seriozisht fjalët e Albës të mbështetura nga Maria. Kur ai kupton lojën e tyre i jep një mesazh Kolit “O Kolit unë të hap sfidë. Maria është e imja ose e jotja”.

Ndërkaq Veseli shfaqet në dhomë. Ai i kërkon llogari Teas se përse nuk shkoi atje ku ai i tha. Tea bën sikur nuk e kupton situatën dhe bashkohet me Fisnikun në shtratin e tyre.