Të përjashtuarit nga AKB-ja nuk mund ta shuajnë AKB-në

Dorëheqja e katër anëtarëve të Bordit të AKB-së, duket se është reflektim i mos përshtatjes së tyre me dinamikën e punës dhe aktiviteteve që ka AKB-ja për 13 vjet dhe duke ditur se përjashtimi i tyre do të ndodh të enjten.

“Të apostrofuarit për herë të parë janë pjesë e strukturave udhëheqës të AKB-së nga 15 prilli i vitit 2015 nga Kuvendi zgjedhori i AKB-së dhe si të tillë, nuk kanë mundur të japin kontributin e tyre sipas kërkesave të AKB-së dhe deklarimeve fillestare të tyre”, është thënë në një reagim të AKB-së.

Tendenca e tyre në AKB-ë, gjatë gjithë kohës ishte tinzare, paragjykuese dhe jo produktive për misionin e AKB-së. “Ata nuk kanë qenë të rregullt në punën dhe aktivitetet e AKB-së dhe përkundër asaj se të gjithë këta kanë nënshkruar një marrëveshje me AKB-në për angazhimin e tyre në AKB, si dhe e kanë një vendim ku në mënyrë precize parashihen të drejtat dhe përgjegjësit e tyre, deri te humbja e së drejtës së të qenurit pjesë e strukturave të AKB-së e që këtë kusht e kanë plotësuar. Ata në bazë të Statutit të AKB-së kanë humbur legjitimitetin me 31 dhjetor 2015, për shkak të shkeljeve të dispozitave elementare të Statutit të AKB-së”.

AKB-ja, në mbledhjen e fundit të Bordit iu ka dhënë mundësinë që deri me 31 mars të përmbushin obligimet e tyre sipas Statutit, në të kundërtën do të përjashtohen nga AKB-ja.

“Të gjitha akuzat nga të apostrofuarit janë të paragjykuara dhe shpifje të rënda që kanë qëllim ta dëmtojnë imazhin e AKB-së dhe si të tilla kanë qëllime të ulëta dhe nuk bazohen në asnjë fakt. Për të gjitha këto shpifje AKB-ja do të inicioj procedura të përgjegjësisë penale dhe materiale për tentim të dëmtimit të imazhit të AKB-së. Ata që nga ardhja e tyre në AKB, kanë shpresuar në beneficione dhe pozita institucionale të ndryshme të cilat AKB-ja nuk ka pasur mundësi t’iu ofroj. Si rezultat i mos përmbushjes së pritjeve të tyre kanë shprehur pakënaqësitë e tyre edhe publikisht”, theksohet në reagimin AKB-së për media.

Ndryshe të apostrofuarit njihen për të kaluarën e tyre në asociacione të tjera biznesore si të papërshtatshëm dhe jo kontribuues dhe përçarës për çka janë larguar edhe nga asociacionet tjera.

“AKB-ja, mbetet e përkushtuar në misionin parësor të saj për përfaqësimin dhe mbrojtjen e interesave të komunitetit të biznesit me prioritet promovimin e prodhimeve vendore si dhe avokimin ndaj institucioneve qendrore dhe lokale për përmirësimin e mjedisit biznesor në Republikën e Kosovës. AKB-ja konfirmon se është e certifikuar me ISO Standarde si dhe e audituar nga Auditori i Përgjithshëm, në bazë të të cilit i raporton Kuvendit për të gjitha rrjedhat e aktiviteteve dhe raportit të auditimit për miratim sipas Statutit në fuqi”.

AKB-ja mbetet e hapur për të gjithë ata që duan të kontribuojnë në zhvillimin e ekonomisë kosovare. /Telegrafi/