Të gjithë duan të ikin: Masat kundër coronavirusit, turmat e njerëzve ‘vërshojnë’ stacionin hekurudhor të Milanos

Menjëherë pas masave të reja të publikuara nga qeveria italiane, njerëzit kanë filluar të largohen nga veriu i Italisë.

Në të gjithë rajonin e Lombardisë dhe në 15 provinca të rajoneve, qindra banorë të Milanos janë drejtuar në stacionin qendror hekurudhor në përpjekje për t’u larguar para se të hyjë në fuqi dekreti i ri i qeverisë.

Biletari e trena janë pushtuar nga turma e njerëzve që gjatë natës kërkonin të udhëtonin drejt jugut, shkruan oranews.tv.

Shumica e tyre janë me origjinë nga jugu i Italisë e kanë emigruar në Milano e rrethina për nevoja punësimi.

Ndryshe, Qeveria italiane është e vendosur të kufizojë në mënyrë dramatike lëvizjen dhe aktivitetin për një të katërtën e popullsisë së saj, ose rreth 16 milionë njerëz, sipas një dekreti të parë nga Bloomberg.

Vendimi për të mbyllur rajonin e Milanos dhe disa zona të tjera veriore është hapi i fundit në përpjekjen për të parandaluar shpërthimin e coronavirusit më të keq të Evropës.

Ky hap vjen kur rastet u rritën në 5.883 të shtunën me 233 vdekje, dhe ndërsa Nicola Zingaretti, drejtuesi i njërës nga dy partitë kryesore të qeverisë, njoftoi se kishte kontraktuar me sëmundjen, shkruan Bloomberg

Siç ishte bërë e ditur, masat, të vendosura do të hyjnë në fuqi të dielën dhe do të zgjasin deri më 3 prill.

Ato do të ndalojnë këdo që të hyjë ose të dalë në zonat më të prekura, ndërsa lëvizja brenda do të lejohet vetëm për arsye “biznesi” që nuk mund të shtyhen ose për shëndetin, thuhet në projekt.

Ngjarjet publike, ceremonitë fetare dhe takimet e punës do të ndërpriten, ndërsa shkollat, muzetë, pishinat dhe teatrot do të mbyllen. /Telegrafi/

https://www.facebook.com/leiene/videos/819495618477760/