Subaru Impreza WRX STI i konvertuar në një kamionçinë

Subaru WRX STI, i cili është konvertuar në kamionçinë, është shfaqur në tregun e veturave të përdorura dhe del në ankand.

Edhe pse disave nuk do t’ju pëlqejë “shkatërrimi” i një modeli të tillë Subaru, vetura pas konvertimit duket vërtet mjaft mirë, sikur të ketë dalë nga fabrika. Zona e ngarkesave është mjaft e madhe dhe plotësisht funksionale.

2006 WRX STI kaloi pjesën më të madhe të jetës së tij në Kaliforni, dhe pasi u “lëviz” në New York, pasoi një konvertim nga Smyth Performance. Kjo kompani është e njohur për konvertimin e Dodge Charger, Audi A4, Volkswagen Beetle dhe shumë të tjerë.

Me pak fjalë, flasim për ekspertë që dinë se çfarë po bëjnë dhe cilësia e punimit duket qartë në këtë shembull. Lidhja midis shtyllës B origjinale dhe pjesës së pasme të mbyllur është e përsosur. Linja e shpatullave që përfundon në pjesën e sipërme të zonës së ngarkesave duket gjithashtu e fabrikës, madje edhe dritat e pasme të modifikuara duken të përshtatshme.

Zhbllokimi i kapakut që shfaqet dhe ulja e derës së pasme zbulon një zonë ngarkese plotësisht të përdorshme prej alumini dhe është e mundur të vendosen ulëset e vjetra Subaru Brat me pamje nga pas.

Vetura mori një sistem shkarkimi prej çeliku të pandryshkshëm, një katalizator me rrjedhje të lartë dhe fuqia e motorit me katër cilindra 2.5 litra me një turbocharger, i cili në konfigurimin e fabrikës jep 300 kuaj/fuqi, është rritur gjithashtu. Motori shoqërohet me një transmision manual me 6 shpejtësi përmes të cilit fuqia transmetohet në të katër rrotat.

Një sistem zanor Alpine kujdeset për tingullin, ndërsa pamja e makinës përmirësohet nga rripat Integrale 18 inç.

Subaru Impreza WRX STI është tani në ankand, me ofertën më të lartë aktuale në 11 mijë dollarë. Ankandi përfundon më 14 tetor. /Telegrafi/