Stresi kronik dhe ndikimi në organizëm

Hormonet tona janë të ndjeshme dhe çekuilibri i tyre mund të shkaktohet nga faktorë të ndryshëm. Këto probleme kanë më shumë gjasa të ndodhin te gratë sesa te burrat, dhe ndërsa dieta, kontrolli i lindjes dhe ilaçet mund të prishin hormonet, stresi është gjithashtu një shkaktar i madh i çekuilibrit hormonal.

Ndjenjat e të qenit i mbingarkuar, i zemëruar, i irrituar dhe i shqetësuar, si dhe i lodhur ose me humor të keq, mund të jenë shenja se jeni të stresuar dhe çekuilibri hormonal i shkaktuar nga stresi mund të çojë në probleme serioze shëndetësore që nuk janë aspak të padëmshme.

Si ndikon stresi në hormonet tona?

“Gjatë periudhave stresuese, nivelet qarkulluese të hormoneve të stresit si adrenalina, noradrenalina dhe kortizoli rriten dhe shkaktojnë një kaskadë përgjigjesh fiziologjike. Një gjendje e tillë stresi e ngritur përgjithmonë mund të çojë në simptoma të shumta fizike dhe emocionale dhe çrregullime hormonale”, paralajmëron mjekja Sara Brewer.

Ajo veçon katër problemet më të zakonshme në të cilat çon stresi kronik:

– ndjenja e rraskapitjes, humbjes së energjisë dhe depresionit

– ulje e libidos

– ndryshime në ciklin menstrual dhe mungesa e menstruacioneve

– peshë të tepërt

Si mund ta ndihmojmë veten?

Për fat të mirë, Brewer vëren se ka mënyra efektive që mund t’i ndihmoni hormonet tuaja, dhe teknikat për të reduktuar stresin përfshijnë aktivitetin e rregullt fizik, ushqimin e duhur, shmangien e ekraneve, marrjen e suplementeve dhe reduktimin e marrjes së alkoolit. /KP/