Spitali Medicine tani me ofertën më të lirë për shtatzëni dhe lindje të shëndoshë

Duke filluar nga 600 deri në 800 Euro, tani më, ju mund të siguroheni për shtatzëni dhe lindje të shëndoshë përmes pakove speciale më të lira në Kosovë të departamentit të gjinekologjisë në Spitalin Medicine. Ofertat përfshijnë gjithashtu përkujdesin pas lindjes si dhe analizat.

Shtatzëni, lindje e shëndetshme dhe normale si dhe përkujdes për nënat dhe fëmijët e posalindur është oferta e re e Spitalit Medicine. Përmes dy pakove të lira të fundit, Spitali Medicine ofron kujdes përgjatë nëntë muajve të shtatzënisë me vazhdim të përkujdesit për fëmijët dhe nënat edhe pas lindjes.

“Pako e parë në vlerë prej 800 Euro ofron 9 muaj përcjellje të shtatzënisë, lindje plus qëndrim në spital, 6 muaj përcjellje pediatrike dhe TSH analiza neonatale deri sa pako e dytë në vlerë prej 600 Euro, për dallim prej pakos së parë nuk ofron TSH analiza neonatale si dhe përcjellja pediatrike bëhet vetëm për 3 muaj. Të dy pakot përfshijnë analiza laboratorike përgjatë shtatzënisë.”, deklarojnë përfaqësues të Spitalit Medicine në Kosovë.
Me përvojë shumëvjeçare ndërkombëtare dhe vendore, personeli i Spitalit Medicine do të kujdeset që shtatzënia, lindja dhe përkujdesi pediatrik pas lindjes të jetë në nivelin më profesional të mundshëm dhe që të gjithë të gëzojnë jetë të shëndoshë.

“Duke ofruar pako të tilla të lira ne ofrojmë mundësi që edhe më shumë familje të kenë çasje në shërbimet tona cilësore dhe profesionale.”, deklarojnë përfaqësues të Spitalit Medicine në fund të bisedës.

Oferta, që vlerësohet të jetë më e lira në treg, është bërë me qëllim të lehtësimit të pranimit të shërbimeve të cilësisë më të lartë për të gjithë qytetarët e Republikës së Kosovës. Oferta është edhe një përpjekje e Spitalit Medicine për të qëndruar pranë qytetarëve dhe vizitorëve.