SPB Tetovë me kontrolle, zbulon parregullsi tek automjetet që kryejnë transport publik të nxënësve

Zyrtarët policorë të SPB Tetovë dje (14-mars) nga ora 12 deri në 16 kanë vazhduar me kontrollet e vazhdueshme të automjeteve që kryejnë transport publik të nxënësve.

Në këto kontrolle, të realizuara në 2 pika në Tetovë dhe në 6 në Gostivar, janë zbuluar dhe sanksionuar 3 automjete (TE) pa dokumentet e nevojshme dhe pronarëve të të cilave do t’u përgatiten parashtresat përkatëse në bazë të nenit 284-A të Kodit Penal dhe po aq shoferëve (GV) që kanë drejtuar automjete pa patentë shofer, të cilët do të përballen me parashtresat sipas nenit 225 të Ligjit për Sigurinë në Komunikacionin Rrugor.

“Dje në Tetovë janë zhvilluar aktivitete të intensifikuara edhe për rregull dhe siguri më të madhe me parkim, sidomos në zonën qendrore, ku janë sanksionuar gjithsej 11 vetuar të të parkuara gabimisht dhe në mënyrë të kundërligjshme dhe të
njëjtat janë janë larguar nga “shërbimi komunal i merimangës”, gjegjësisht automjete të parkuara gabimisht, të cilat penguan lëvizjen normale të pjesëmarrësve tjerë të trafikut”.

“Gjithashtu, janë sanksionuar edhe 4 drejtues mjetesh që drejtonin mjete pa kaluar provimin për patentë shoferi”, thonë nga SPB Tetovë./Telegrafi/