Sot starton festivali “Skena UP”

Sot hapet edicioni i XII i Festivalit Ndërkombëtar te Studentëve për Film dhe Teatër SKENA UP. Nga 400 prodhime kinematografike sa kanë konkurruar në këtë edicion, janë zgjedhur gjithsej 43 filma të cilët do të shfaqën në Teatrin Oda në Prishtinë.

Ceremonia e hapjes do të jenë në Teatrin Kombëtar, duke filluar nga ora 20:00, kurse festivali do të zgjasë deri më 7 dhjetor.

Drejtoresha e Festivalit Hana Çena tha se në këtë edicion kanë aplikuar rreth 400 filma nga disa shkolla të ndryshme të Evropës dhe botës, dhe sipas asaj, për ta ka qenë më e vështirë sepse konkurrenca ka qenë më e madhe sesa e viteve të kaluara

Jurinë e Filmit do të përbëjnë, dramaturgu dhe shkrimtari amerikan Harold Apter, regjisorja kosovare Kaltrina Krasniqi dhe shkrimtarja nga Shqipëria Natasha Lako.

Programit të filmave i shtohet edhe kategoria e filmave kombëtarë, me prodhimet e fundit të fakulteteve të arteve nga Kosova dhe rajoni. Këta filma do të garojnë sivjet për Çmimet Filmi më i mirë në kategorinë ndërkombëtare dhe Filmi më i mirë në kategorinë kombëtare dhe për Çmimin Regjisori më i mirë. Ndërsa aktorët e filmave kombëtarë do të jenë në garë së bashku me ata të shfaqjeve për çmimet aktorja më e mirë dhe aktori më i mirë./Kosovapress/