Sonte lansohet bomba e NRG Band dhe Getit (Foto)

Sonte në ora 19:00 do të publikohet projekti që besohet të jetë hiti i kësaj vere nga NRG Band dhe Getoar Selimi.

Forcat i kanë bashkuar kohë më parë krijuesit e shumë hiteve të NRG Band dhe një prej reperëve më të mirë që ka njohur hip hopi shqiptar, Getoar Selimi.

Kështu, është e natyrshme që të mos flasim për një hit i cili është duke ardhur.

Telegrafi e ka dëgjuar këngën dhe nuk ka dyshime se do të jetë një prej projekteve më të suksesshme jo vetëm të verës, por të gjithë vitit.

“Ta Du Majmunin” titullohet projekti i ri, një fabulë që ka një ndërlidhje të ngushtë me zogun nga superhiti “Fenix”, por që konceptualisht është ndryshe.

Kënga është punuar nga Getoar Selimi në një pjesë të këngës në vijë dhe tekst, teksa instrumentali besohet se është punuar nga Irkenc Hyka.

Konfirmimin se projekti lansohet sonte në ora 19:00 e ka dhënë Besnik Qaka, lideri i NRG Band në rrjetin social në Instagram, fotografi që më pas u shpërnda jo vetëm nga Geti, por edhe nga të gjithë antarët e Babastars. /Telegrafi/