Skulpturat e bronzta, të vetmet të mbetura nga Michelangelo

Ekipi i udhëhequr nga Muzeu Fitzwilliam në Kembrixh të Anglisë, kreu katër vjet kërkime për të konfirmuar një kërkesë nga shkurti 2015, se disa skulptura ishin veprat e vetme prej bronzi të Michelangelos të cilat kanë mbijetuar në pesë shekuj.

Hulumtuesit kanë përdorur ekspertizën e shkencëtarëve – përfshirë Peter Abrahamsin, profesorin e anatomisë klinike në Warwick Medical School – për të deshifruar karakteristikat kryesore të veprave të mjeshtrit.

“Duke qenë një person i vëmendshëm, vura re se gishtat e bronzit ishin paksa larg”, tha ai. “Më vonë shkova dhe pashë të gjithë gishtërinjtë që mund të gjeja në çdo vepër të Michelangelos. Në 40 këmbë, të gjitha me përjashtim dy, kishin gishtin e shkurtër”.

Ai vuri në dukje se të njëjtat gishtërinj mund të shihen te Davidi dhe Moisiu në Kapelën e Sistines në Vatikan, dhe shtoi se karakteristikat e tjera “shkëlqejnë” në punën e tij.

“Ne të gjithë e dimë për gjashtë muskuj barku, por këta njerëz në fakt kanë tetë muskuj. Kam gjetur dy statuja dhe pesë vizatime të Michelangelos që kanë të njëjtën anomali të rrallë, e cila tregon se modeli që ai përdori për to ishte i njëjti me atë që ai përdori për këto bronzi”, u shpreh ai.

Përfundimet e Abrahamit u përsëritën nga Victoria Avery, eksperte e arteve të aplikuara në Muzeun e Fitzwilliam, i cili tha se skulpturat ishin “të vërteta”.

“Ne besojmë që këto të jenë bërë nga Michelangelo dhe se janë origjinale të krijuara rreth vitit 1505-1507”, tha ajo, duke folur në një konferencë shtypi për të njoftuar verifikimin. “Janë autentike, të bëra kur ai ishte në kulmin e krijimtarisë së tij, kur ai ishte i dëshpëruar për të kryesuar te bashkëkohësit e tij dhe për të dominuar në shkallë masive”.

Skulpturat u regjistruan së pari si veprat e Michelangelos në 1878, kur ato ishin në pronësi të familjes Rothschild, por më vonë humbi atribuimi i tyre. Muzeu Fitzwilliam pretendoi në vitin 2015 se ato ishin me të vërtetë origjinalet e Michelangelos.

Dy skulpturat u shitën për herë të fundit në Sotheby’s në vitin 2002, për rreth 2.3 milionë dollarë për një koleksionist britanik dhe u ekspozuan në Akademinë Mbretërore të Arteve në Londër në vitin 2012. /TemA TV/