Sigal Prishtina e do “Final-Four” në Prishtinë

Klubi i basketbollit Sigal Prishtina e cila ka aplikuar për mbajtjen e Final-Four, pretendon që gjatë ditës së nesërme të marrë përgjigje pozitive.

Prishtina do të ketë fatin që të jetë nikoqiri i kësaj ngjarje, nëse një gjë të tillë aprovohet nga Liga Ballkanike.

Drejtori gjeneral i klubit të basketbollit nga kryeqyteti, Florian Miftari, gjatë një konference për media ka thënë se në rast të aprovimit të kërkesës, kjo do të jetë një ngjarje e pa përsëritshme, një ngjarje që sipas tij nuk ka ndodhur asnjëherë në Kosovë dhe është ngjarja më historike e pas luftës.

E nënkryetar i Klubit Sigal Prishtina, Lulëzim Ibrahimi ka shprehur brengat e tij se Bullgaria i ka dy skuadra shumë cilësore të basketbollit, Ballkanin si dhe ekipin tjetër Levski që sipas tij ka bërë shumë investime.

Zyrtarë të klubit të basketbollit Sigal Prishtina kanë thënë se menjëherë pas pranimit të çfarëdo lajmi për kërkesën e tyre do ta njoftojnë opinion publikë. Euroleague Final Four është formati ku mbesin katër ekipet e fundit më të mira në ligë nga kampionati profesional i basketbollit i njohur edhe si Turkish Airlines Euroleague Final Four. /KP/Telegrafi/