Autoritetet në Maqedoninë e Veriut thanë se po ndjekin me vëmendje informacionet lidhur me përhapjen e variantit të ri të koronavirusit, Omicron dhe derisa nuk ka detaje konkrete, do të lë në fuqi masat aktuale kundër COVID-19.
“Në mbledhjen e Komisionit për Sëmundje Infektive konstatuam se për momentin nuk ka nevojë për masa konkrete pasi ende nuk kemi njohuri të mjaftueshme për variantin e ri të koronavirusit, Omicron. Organizata Botërore e Shëndetësisë tha se bëhet fjalë për një variant që transmetohet shumë shpejt, por Instituti amerikan për Shëndetësi tha se edhe për transmetueshmërinë ende nuk ka informacione të mjaftueshme dhe mbase janë në një gjendje me variantin Delta”, deklaroi ministri i Shëndetësisë, Venko Filipçe.
“Kufizime në kufijtë e shtetit, karantinë apo gjëra tjera nuk do të jepnin rezultate, pasi është vështirë të parandalohet përhapja, kështu që për momentin do të fokusohemi në masat që aktualisht i kemi në fuqi. Gjendjen e ndjekim me kujdes, por për momentin nuk do të ndërmarrim masa”, shtoi ai.
Ai ka thënë se gjendja epidemiologjike në Maqedoninë e Veriut është e qëndrueshme dhe se në javën e fundit është regjistruar ulje e të infektuarve, por edhe e viktimave.
Nga rreth 210,000 të diagnostikuar me COVID-19, kanë vdekur 7,354 persona, ndërsa 8,271 raste janë ende aktive.
Por, për dallim nga ministri i Shëndetësisë, mjekët specialistë thonë se paraqitja e variantit të ri është shqetësuese dhe se institucionet duhet të ndërmarrin masa.
Epidemiologu Sashko Lunçev, thotë se rastet e para me variantin Omicron në Maqedoninë e Veriut mund të paraqiten në dhjetor, e më së voni në janar të vitit 2022.
Sipas tij, më të ekspozuar ndaj variantit Omicron janë të pavaksinuarit dhe të rinjtë, sidomos ata të moshës mes 20 dhe 30 vjeç, por edhe më të rinjtë sikur edhe studentët pasi bëjnë jetë më aktive, kryesisht mblidhen natën në grupe më të mëdha, ku mundësia e transmetimit të virusit është më e madhe.
“Si familje e viruseve, ky variant bën mutacione të shumta. Aq shpejt bën mutacione saqë ne nuk do të mund t’i numëronim. Ky variant ka bërë mbi 30 mutacione në një gjen dhe me gjasë ne shumë shpejt do të përballemi me të. Derisa të arrijë Delta Plus do të arrijë edhe Omicron, që godet kryesisht moshën më të re”, thotë epidemiologu, Sashko Lunçev.
Mjeku specialist në Institutin e Shëndetit Publik, Zllaten Mehmedoviq, thotë se shteti nuk duhet të presë paraqitjen e varantit të ri të virusit dhe pastaj të alarmohet, por masat duhet të merren që tani, përmes kontrolleve të rrepta duke nisur që në pikat kufitare, si dhe të bëhet më shumë për fushatën e vaksinimit.
Sipas të dhënave zyrtare, në Maqedoninë e Veriut deri tani është vaksinuar afër 39 për qind e popullatës, apo rreth 830,000 persona.
“Vërtetë është një variant për t’u brengosur, meqë pas detektimit shumë vende kanë dhënë alarmin mbi rrezikun nga mutacionet e koronavirusit. Besoj se do të ketë përhapje në shumë vende dhe nuk është çështje nëse do të mund ta parandalojmë, por se kur ky variant do të arrijë në vendin tonë. Fokusi ynë kryesor duhet të jetë që sa më pak të përhapet në popull. Nuk mendoj se duhet të mbyllemi tërësisht, por duhet të ketë kontrolle të rrepta. Duhet të ketë karantinë për ata që diagnostikohen me këtë variant të virusit, të bëhen sa më shumë teste PCR gjatë hyrjen në vendin tonë”, thotë mjeku Zllaten Mehmedoviq.
Organizata Botërore e Shëndetësisë ka thënë të hënën se varianti i ri i koronavirusit, Omicron mund të përhapet në gjithë botën dhe përbën rrezik “shumë të madh” për vendet ku pasojat mund të jenë të mëdha.
OBSH-ja ka thënë se duhet bërë më shumë kërkime për të kuptuar potencialin e këtij varianti ndaj imunitetit të fituar nga vaksinat dhe infektimet paraprake.
Më 26 nëntor, Organizata Botërore e Shëndetësisë tha se Omicron, që fillimisht u identifikua në Afrikën e Jugut, ishte “variant shqetësues”.
Sa i përket përhapjes, OBSH-ja ka thënë se ende është e paqartë nëse Omicroni është më i transmetueshëm sesa variantet paraprake, përfshirë variantin Delta./REL/
Promo
Reklamo këtuLufta Prigozhin - Putin
Më shumë![](https://telegrafi.com/wp-content/uploads/2024/09/1-vrasja-aktash-780x439.jpg)
"Lëndime në krahun e majtë dhe kafazin e kraharorit" - Shurdhiqi nga Kardiokirurgjia flet për gjendjen e njërit nga të plagosurit
![Stano: Dështimi i Kosovës dhe Serbisë për të ulur tensionet do të ketë pasoja](https://telegrafi.com/wp-content/uploads/2024/07/peter-stano-780x439.jpg)
Stano: Dështimi i Kosovës dhe Serbisë për të ulur tensionet do të ketë pasoja
![Çanak tregon se për cilat plane të Serbisë e informoi kryeministrin Kurti](https://telegrafi.com/wp-content/uploads/2024/09/Screenshot-2024-09-02-145819-696x429-1-780x439.png)
Çanak tregon se për cilat plane të Serbisë e informoi kryeministrin Kurti
![Shqiptari mes lotësh pas aksidentit ku humbi jetën gruaja dhe u plagos foshnja: Jam gati të paguaj gjithçka që kam bërë](https://telegrafi.com/wp-content/uploads/2024/09/tragjedia-itali-780x439.jpg)
Shqiptari mes lotësh pas aksidentit ku humbi jetën gruaja dhe u plagos foshnja: Jam gati të paguaj gjithçka që kam bërë
![Rreth 100 plumba të shkrepur mes dy grupeve – pamje nga vendi ku ndodhi vrasja dhe plagosja e pesë personave në Prishtinë](https://telegrafi.com/wp-content/uploads/2024/09/5-vrasja-aktash-780x439.jpg)
Rreth 100 plumba të shkrepur mes dy grupeve – pamje nga vendi ku ndodhi vrasja dhe plagosja e pesë personave në Prishtinë
![KQZ deri më tani ka refuzuar 19% të kërkesave për regjistrim të votuesve jashtë vendit](https://telegrafi.com/wp-content/uploads/2024/09/kqz-zgjedhjet-780x439.jpg)
KQZ deri më tani ka refuzuar 19% të kërkesave për regjistrim të votuesve jashtë vendit
![Investoni në të ardhmen tuaj – bli banesë në ‘Arbëri’ tani! ID-140](https://telegrafi.com/wp-content/uploads/2024/02/Screenshot-2024-02-20-142648-380x233.png)
Investoni në të ardhmen tuaj – bli banesë në ‘Arbëri’ tani! ID-140
![Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254](https://telegrafi.com/wp-content/uploads/2024/02/1a-1-380x233.jpg)
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
![Ideale për zyre – në qendër të Prishtinës lëshohet banesa me qira ID-253](https://telegrafi.com/wp-content/uploads/2024/02/DSC00994-380x233.jpg)
Ideale për zyre – në qendër të Prishtinës lëshohet banesa me qira ID-253
![Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123](https://telegrafi.com/wp-content/uploads/2023/07/foto-kryesore-per-tlgre-380x233.jpg)
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
![Krijo hapësirën tënde të biznesit – zyre me qira te 4 Llulat – 300€/muaj ID-252](https://telegrafi.com/wp-content/uploads/2024/02/Template-per-Instagram-380x233.jpg)
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
![Të shtëna me armë zjarri në Prishtinë, pesë të plagosur dërgohen në QKUK](https://telegrafi.com/wp-content/uploads/2024/09/te-shtena-780x439.jpg)
Të shtëna me armë zjarri në Prishtinë, pesë të plagosur dërgohen në QKUK
![Mysafirët nga Serbia e njoftojnë Kurtin: Beogradi po planifikon zhvendosjen e serbëve të Kosovës për në Sanxhak](https://telegrafi.com/wp-content/uploads/2024/09/Kurti-biserko-780x439.jpg)
Mysafirët nga Serbia e njoftojnë Kurtin: Beogradi po planifikon zhvendosjen e serbëve të Kosovës për në Sanxhak
![Super gol i Edon Zhegrovës përballë PSG-së](https://telegrafi.com/wp-content/uploads/2024/09/Screenshot-2024-09-01-224825-780x439.png)
Super gol i Edon Zhegrovës përballë PSG-së
![Aktorja e famshme turke ka rrënjë shqiptare - flet me krenari për veshjet dhe ushqimet tradicionale](https://telegrafi.com/wp-content/uploads/2024/09/Screenshot_25-780x439.png)
Aktorja e famshme turke ka rrënjë shqiptare - flet me krenari për veshjet dhe ushqimet tradicionale
![Formë e re e presionit ndaj Netanyahut - grevë e përgjithshme, ‘paralizohet’ gjithçka në Izrael](https://telegrafi.com/wp-content/uploads/2024/09/lcimg-04811ac9-e9b9-4397-aa98-b03475350de8-780x439.jpeg)
Formë e re e presionit ndaj Netanyahut - grevë e përgjithshme, ‘paralizohet’ gjithçka në Izrael
![Vrapi me pengesa i turizmit në Shqipëri: Rritja e pajustifikuar e çmimeve la shezlongët bosh](https://telegrafi.com/wp-content/uploads/2024/09/turizmi-780x439.jpg)
Vrapi me pengesa i turizmit në Shqipëri: Rritja e pajustifikuar e çmimeve la shezlongët bosh