Shkarkohet si drejtor i shkollës dhe humbi pensionin 130 mijë dollarësh – e gjitha shkaku i një filxhan kafeje në Japoni

Drejtori i shkollës së mesme nga qyteti Takasago, Prefektura Hyogo, humbi punën dhe pensionin prej rreth 20 milionë jen (135 mijë dollarë). Ai u gjobit për “mbushjen” e filxhanit të kafesë në një dyqan më 21 dhjetor.

Rasti bëri jehonë në Japoni, me kritikët që vunë në dyshim vendimin e Bordit të Arsimit për të zbatuar dënimin më të ashpër, duke e quajtur atë një “dënim me vdekje”.

Drejtori thuhet se ka paguar 110 jen (0.70 euro) për një kafe me përmasa standarde dhe ka marrë një kafe të madhe nga aparati, e cila është vënë re nga një prej punëtorëve, raporton japantoday.

Një kafe e madhe kushton 180 jen (1.1 euro) ndërsa 59-vjeçari pranoi se kishte bërë të njëjtën gjë dy herë më parë.

Është përfshirë edhe policia, kallëzimi penal është dërguar në Prokurorinë e Qarkut, por nuk është ngritur asnjë kallëzim.

Mediat vendase raportojnë se drejtori është shprehur se i vjen keq, pra se “e ka bërë në mënyrë impulsive”. Ai gjithashtu tha se bëri të njëjtën gjë katër herë në një dyqan tjetër. Kështu, vepra totale “u rrit” në 490 jen (3 euro).

Këshilli Arsimor njoftoi shkarkimin e drejtorit më 30 janar, pasuar nga heqja e licencës së mësimdhënies dhe pensioni.

Në shpjegimin e vendimit thuhet se largimi nga puna është “dënim i përshtatshëm për kundërvajtje të përsëritur”.

Nga ana tjetër, një profesoreshë në Universitetin e Grave në Tokio, Takashi Sakata, beson se dënimi është “në mënyrë disproporcionale të rëndë”.

Ai tregon se nuk ka dyshim se drejtori “meriton një dënim më të rëndë” se zakonisht, pasi si edukator duhet të jetë model për studentët. /Telegrafi/