Sheqerinska dhe delegacioni i Ministrisë për Mbrojtje për vizitë dy ditore në Slloveni

Ministrja e mbrojtjes së Republikës së Maqedonisë, Radmilla Shqerinska, në shoqërim të delegacionit të Ministrisë, nesër dhe pasnesër, 4 dhe 5 shtator, do të qëndrojë për vizitë dy ditore në Republikën e Sllovenisë, me ftesë të Ministres sllovene të mbrojtjes Andreja Katiç, përcjell Telegrafi Maqedoni.

Në suaza të kësaj vizite, Sheqrinska do të realizojë takim edhe me Kryetarin e Sllovenisë, Borut Pahor dhe Zëvendëskryeministrin slloven, Dejan Zhidan.

Në ditën e parë të vizitës, ministrja Sheqerinska do të marrë pjesë në Forumin strategjik të Bledit që është konferencë kryesore në Evropën Qendrore dhe Juglindore dhe tërheq numër të madh të kryetarëve të shteteve, kryeministra, ministra, diplomatë. Në forumin në Bled do të marrin pjesë edhe Ministri punëve të jashtme, Nikolla Dimitrov si dhe Ministri për shoqëri informatike dhe administratë, Damjan Mançevski.

Në ditën e dytë të vizitës, Sheqerinska do të takojë kryetarin dhe anëtarët e Këshillit për mbrojtje në Kuvendin shtetëror të Sllovenisë, ndërsa më pas do tv vizitojë edhe kazermën në Cerklje, ku ushtarët të Armatës së Republikës së Maqedonisë janë në stërvitje teorike dhe praktike për sistemin e lehtë raketor “Iglla”./Telegrafi/