Rrjedhin detajet për Motorola Droid X2

Motorola është duke punuar në gjeneratën e dytë të telefonit të saj të mençur Droid X, përkatësisht modelin Droid X2, i cili sipas asaj që thuhet nga HotHardware do të vijë në treg me një spektër të gjerë të funksioneve të avancuara.

Sipas të gjitha gjasave, seria e dytë e Motorola Droid X do të përfshijë procesorin me 1GHz NVIDIA Tegra 2, ndërsa ekrani i versionit të dytë të Droid do të jetë i ngjashëm me atë paraprak me 4.3 inç, ndërsa rezolucioni i X2 do të jetë me kapacitet të rritur prej 540 x 960 pikselëve.

Specifikat tjera të këtij modeli përfshijnë edhe USB 2.0, HDMI, DNLA dhe kamera me 8 mega-piksel e cila mund të incizojë HD video në 720p, ndërsa aty është edhe mikroSD kartela për rritje të hapësirës së magazinimit.

Ende nuk dihet se kur Droid X2 do të paraqitet në treg, mirëpo një gjë është e sigurt, ky model do të jetë në dispozicion në operatorin mobil Verizon, ndërsa sistemi i tij operativ do të jetë Android 2.2 Froyo, me mundësi freskimi të shpejtë në 2.3. / Telegrafi /