Rrëfehet motra seksi e Manajt

Alvi është motra e madhe dhe e vetmja e talentit të Interit, Rei Manaj. 22-vjeçarja në një bisedë për “Panorama Sport” ka rrëfyer marrëdhënien me Rein, transferimin e tij te klubi italian, shijen e suksesit dhe dëshirën e madhe që ka i vëllai për të kontribuar te Kombëtarja kuqezi.

Ndonëse janë rritur në Itali, bukuroshja shpreh dashurinë e madhe për atdheun e saj me një shqipe të rrjedhshme.

“Jam shumë e lumtur për arritjet e Reit. Pavarësisht se jam e ndërgjegjshme për të gjithë punën, lodhjen, sakrificën dhe kohën që i është dashur të arrijë aty ku është. E meriton vërtet këtë arritje, pasi ka qenë vullneti i tij dhe mbështetja e familjes që e ka ndihmuar në realizimin e këtij objektivi. Nuk di si ta përshkruaj këtë lloj ndjesie, por është me të vërtetë shumë e bukur.

Nuk jam tifoze e mirëfilltë në kampionatin tonë, pasi tashmë jam krejtësisht e fokusuar tek ai italian. Mirëpo, këtu simpatizoj ekipin e Tiranës.

E kam ndjekur vetëm një herë në stadium me shoqërinë, në ndeshjen kundër Skënderbeut. Dhe më ka pëlqyer shumë një lojtar i Skënderbeut, Bernard Berisha, i cili me të vërtetë e meriton Kombëtaren, shumë i talentuar”, rrëfen ajo për Panorama Sport. /Telegrafi/