Ringjallja në tapetin e kuq: “Oscars 2021” ndalon ‘veshjen e rastësishme’ dhe lidhjet virtuale

Ekipi që qëndron pas “Oscars 2021” refuzon të lejojë normalizimin e ri të pandemisë: Prodhuesit e shfaqjeve Steven Soderbergh, Stacey Sher dhe Jesse Collins u kanë dërguar një letër të gjithë të nominuarve duke i informuar ata se paraqitjet virtuale me veshje të thjeshta nuk lejehon.

“Për ju që nuk jeni në gjendje të merrni pjesë për shkak të planifikimit ose shqetësimit të vazhdueshëm për të udhëtuar, ne duam që ju të dini se nuk do të ketë një mundësi për të përdur ‘ZOOM’ për shfaqjen”, thuhet në letrën e dërguar.

“Ne do të bëjmë përpjekje të mëdha për të siguruar një mbrëmje të sigurt dhe të këndshme për të gjithë ju personalisht, si dhe për të gjithë miliona adhurues të filmit në të gjithë botën, dhe ne mendojmë se lidhjet virtuale do t’i zvogëlojë ato përpjekje”.

Ndërkaq, tutat janë të ndaluara. “Ju po pyesni për Kodin e Veshjes (ashtu si duhet). Ne jemi duke synuar një shkrirje të frymëzuese dhe aspiruese, që me fjalë të tjera do të thotë zyrtare”, paralajmëron letra.

Nata më e madhe e filmave do të mbahet personalisht në Union Station të qendrës së Los Angeles, si dhe vendi tradicional i ngjarjes, Teatri Dolby i Hollywood-it, një veprim pandemik i cili do të arrihet duke e trajtuar ngjarjen si një set filmik aktiv.

“Sigurisht, mendimi juaj i parë është a mund të bëhet në mënyrë të sigurt? Përgjigja është po, mundet. Ne jemi duke e trajtuar ngjarjen si një set aktiv filmik, me kadenca testimi të dizajnuara posaçërisht për të siguruar rezultate në minutë, duke përfshirë një ekip sigurie COVID-19 në vend me aftësi për testim PCR”.

Këtë vit, të ftuarit në ngjarje në kohë reale janë të kufizuar në të nominuarit, të ftuarit e tyre dhe prezantuesit e ngjarjes. Pjesa tjetër e botës mund ta ndjek ngjarjen me datë 25 prill, e diel. /Telegrafi/