Ramazani 2024: Orët e agjërimit në mbarë botën

Myslimanët besojnë se Ramazani është muaji kur vargjet e para të librit të shenjtë të Kuranit iu shpallën Profetit Muhamed më shumë se 1400 vjet më parë.

Agjërimi përfshin abstenim nga ngrënia, pirja, pirja e duhanit dhe marrëdhëniet seksuale gjatë orëve të ditës për të arritur një “takva” ose përkushtim më të madh ndaj Zotit.

Por pse Ramazani fillon çdo vit në data të ndryshme?

Ramazani fillon çdo vit 10 deri në 12 ditë më herët. Kjo për shkak se kalendari islamik bazohet në kalendarin hënor të Hixhrit me muaj që janë 29 ose 30 ditë, shkruan Al Jazeera, përcjell Telegrafi.

Për shkak se viti hënor është më i shkurtër se viti diellor për 11 ditë, Ramazani do të kremtohet dy herë në vitin 2030 – fillimisht duke filluar më 5 janar dhe më pas duke filluar më 26 dhjetor.

Herën tjetër që Ramazani do të fillojë pas 12 marsit do të jetë 33 vjet nga tani – në vitin 2057.

Orët e agjërimit në mbarë botën

Numri i orëve të ditës ndryshon në të gjithë botën.

Myslimanët që jetojnë në vendet më jugore të botës, si Kili apo Zelanda e Re, do të agjërojnë për rreth 12 orë, ndërsa ata që jetojnë në vendet më veriore, si Islanda apo Grenlanda, do të kenë agjërim mbi 17 orë.

Lexo po ashtu Ramazani 2024: Emiratet e Bashkuara Arabe reduktojnë orët e punës edhe për punonjësit e sektorit privat

Për myslimanët që jetojnë në hemisferën veriore, numri i orëve të agjërimit do të jetë pak më i shkurtër këtë vit dhe do të vazhdojë të zvogëlohet deri në vitin 2031, vit që Ramazani do të përfshijë solsticin dimëror – dita më e shkurtër e vitit.

Pas kësaj, orët e agjërimit do të rriten deri në solsticin e verës – dita më e gjatë e vitit në hemisferën veriore.

Për myslimanët agjërues që jetojnë në jug të ekuatorit, do të ndodhë e kundërta.

Në qytetet ekstreme më veriore, si Longyearbyen në Norvegji, ku dielli nuk perëndon nga 20 prilli deri më 22 gusht, janë nxjerrë vendime fetare për të ndjekur kohën në Mekë, Arabinë Saudite ose në vendin më të afërt mysliman.

Ndryshe, ushqimi para agimit për të filluar agjërimin ditor quhet syfyr, ndërsa prishja e agjërimit pas perëndimit të diellit quhet iftar.

Lexo po ashtu Metodat që do t'ju ndihmojnë të keni agjërim më të lehtë gjatë muajit të Ramazanit dhe të keni shëndet më të mirë

Cilat qytete kanë “oraret” më të gjata dhe më të shkurtra të agjërimit?

Më poshtë është numri mesatar i orëve të agjërimit në qytetet në mbarë botën. Orët dhe oraret aktuale të agjërimit do të ndryshojnë sipas ditës, si dhe metodat e llogaritjes:

– Nuuk, Grenlandë: 16 orë
– Reykjavik, Islandë: 16 orë
– Helsinki, Finlandë: 15 orë
– Oslo, Norvegji: 15 orë
– Glasgow, Skoci: 15 orë
– Berlin, Gjermani: 15 orë
– Dublin, Irlandë: 15 orë
– Moskë, Rusi: 15 orë
– Amsterdam, Holandë: 15 orë
– Varshavë, Poloni: 15 orë
– Astana, Kazakistan: 15 orë

…..

– Doha, Katar: 13 orë
– Dubai, Emiratet e Bashkuara Arabe: 13 orë
– Khartoum, Sudan: 13 orë
– Riad, Arabi Saudite: 13 orë
– Abuja, Nigeri: 13 orë
– Aden, Jemen: 13 orë
– Dakar, Senegal: 13 orë
– Addis Ababa, Etiopi: 13 orë
– Buenos Aires, Argjentinë: 13 orë
– Colombo, Sri Lanka: 13 orë
– Kuala Lumpur, Malajzi: 13 orë
– Mogadishu, Somali: 13 orë
– Ciudad del Este, Paraguaj: 13 orë
– Nairobi, Kenia: 13 orë
– Harare, Zimbabve: 13 orë
– Xhakarta, Indonezi: 13 orë
– Luanda, Angola: 13 orë
– Bangkok, Tajlandë: 13 orë
– Brasilia, Brazil: 13 orë
– Johanesburg, Afrika e Jugut: 13 orë
– Montevideo, Uruguay: 13 orë
– Canberra, Australi: 13 orë
– Puerto Montt, Kili: 13 orë
– Christchurch, Zelanda e Re: 13 orë

Lexo po ashtu Pse duhet të agjëroni gjatë muajit të Ramazanit, dobitë shëndetësore që sjell tek organizmi i juaj

Urimet e Ramazanit në gjuhë të ndryshme

Kombe të ndryshme me shumicë myslimane kanë një përshëndetje të personalizuar në gjuhët e tyre amtare.

“Ramazan Mubarak” dhe “Ramazan Karim” janë urimet më të zakonshme që shkëmbehen në këtë periudhë, duke i uruar respektivisht “marrësit të urimit” një muaj të bekuar dhe bujar. /Telegrafi/