Qeni qëndron dy ditë në të ftohtë, vetëm për ta mbrojtur “mikun” e plagosur (Video)

Kjo histori prekëse nga Ukraina perëndimore tregon një tregim prekës rreth miqësisë së vërtetë dhe dashurisë që vjen nga mbretëria e kafshëve.

Sipas asaj që shkruajnë mediat e huaja, përcjell Telegrafi, bëhet fjalë për një histori kur një qen kaluar dy ditë duke mbrojtur një mik të plagosur që nuk mund të lëvizte nga shinat.

Lexo po ashtu Kamarierja shtatzënë merr një bashkësish prej 900 dollarësh, nga një shtatzënë (Foto)

Përdoruesi i Facebook-ut, Denis Malafeev ka postuar fotot e dy qenve që gjendeshin në një stacion treni të vogël jo shumë larg nga qyteti i Uzhgorod.

Një nga qentë duket se ka qenë i plagosur nga një tren dhe nuk mund të lëvizte nga shinat, kështu që tjetri qëndroi atje dy ditë për ta mbajtur mikun e tij ngrohtë dhe për ta mbrojtur atë nga rreziku që i kanosej nga ardhja e ndonjë treni, duke e ulur kokën e tij në momentin që ecnin trenat.

“Ai e mbajti të ngrohtë për dy ditë nën kërcënimin e vazhdueshëm të rrezikut! Unë nuk e di se si ta quaj këtë: instinkt, dashuri, miqësi, lidhje. Unë vetëm e di këtë: jo çdo njeri është në gjendje për ta bërë këtë. Ne të gjithë duhet të mësojmë prej kësaj!”, ka shkruar Malafeev në Facebook.

Pas kësaj, bëhet e ditur se të dy qentë janë adoptuar dhe u është vënë emri Panda dhe Lucy. /Telegrafi/