Prishtina t’i humbasë edhe tre sulmuesit kryesorë?

Kampioni i dyfishtë i Kosovës, Prishtinë, ka mundësi të mbetet pa tre sulmuesit kryesorë të skuadrës. Florim Bërbatovci, Astrit Fazliu dhe Mentor Mazrekaj, që të tre janë duke shikuar mundësinë për t’u transferuar jashtë Kosovës.

Golashënuesi më i mirë i Superligës këtë edicion me 16 gola, Florim Bërbatovci, ka refuzuar rinovimin e kontratës me bardhekaltërit dhe është duke shqyrtuar mundësinë e kalimit në Suedi. Ndërsa, sulmuesi këmbëshpejtë, Astrit Fazliu, është duke u lidhur me një transferim te Ferizaj ose do të tentojë përsëri të transferohet jashtë Kosovës.

“Unë nuk e kam vazhduar kontratën me klubin tim sepse nuk e kam pranuar një gjë të tillë. Të shtunën do udhëtoj për në Suedi. Atje do të provohem te skuadra e elitës së këtij vendi, Osters. Jam shumë i përgatitur dhe shpresoj që do të ndalem. Nuk e di se sa do të qëndroj saktësisht, por besoj që rreth dy javë”, deklaroi Bërbatovci për gazetën Tribuna.

Në ndërkohë, edhe sulmuesi tjetër i klubit të kryeqytetit, Mentor Mazrekaj, pritet të vazhdojë karrierën në Zvicër ose në Shqipëri.

Mesfushori i Prishtinës, Mentor Mazrekaj, pritet të vazhdojë karrierën në Zvicër ose Shqipëri.

Ai është duke u kërkuar nga Partizani i Tiranës dhe Skënderbeu i Korçës që garojnë në Superligën e Shqipërisë.

Mazrekaj ka thënë se do të kalojë te Partizani, nëse nuk transferohet në Zvicër. "Dëshira ime është të luaj në kampionatin zviceran. Kam pasur disa kontakte me një klub zviceran dhe shpresoj të gjej angazhim atje. Brenda disa ditëve pres të udhëtoj për Zvicrës. Pasi të shoh si do të shkojnë gjërat atje, do të vendos", ka thënë Mazrekaj të enjten për gazetën tiranase Panorama. /Telegrafi/