Prezantuesja e zhveshur “vërshohet” nga ofertat për intervista

Prezantueset e zhveshura të televizionit shqiptar “Zjarr TV” kanë tërhequr edhe njëherë vëmendjen e mediave botërore, ndër to edhe të “Daily Star”, që raporton për “vërshimin” e ftesave për intervista.

Një nga prezantueset, Greta Hoxha, thotë se pasi u bë prezantuese e lajmeve, i janë ofruar shumë politikanë për intervista.

Bukuroshja 24-vjeçare ka treguar se ishte gazetare për pesë vjet para se të bëhej prezantuese e lajmeve në televizionin kontrovers. Hoxha thotë se e ka pasur të vështirë që të bind politikanët për intervista në të kaluarën, por tani asaj ata i ofrohen vetë.

“Jam më e fokusuar në studio andaj mundësitë që të dal dhe të bëj intervista janë më të limituara, por nganjëherë u them po. Një madje më ka ftuar për ditëlindje dhe i kam dhënë një dhuratë speciale si falënderim, për të cilën tha se ishte më e mira që ka marrë ndonjëherë”, ka thënë Hoxha, duke mos treguar më shumë për këtë ngjarje.

Në raportimin e “Daily Star” po ashtu thuhet se suksesi i televizionit “Zjarr” nisi menjëherë pasi prezantuesja Enki Bracaj kishte prezantuar lajmet e gjysmë e zhveshur. Sipas raportimit, zhveshja e saj kishte shkaktuar bujë në botë, por Enki ishte shkarkuar pasi kishte pranuar të fotografohej për revistën “Playboy”.

Ajo është zëvendësuar nga Greta, që po ashtu ka bërë bujë me pamjen e saj. Në fund të raportimit, “Daily Star” thekson se Hoxha vishet në atë mënyrë vetëm për prezantim të lajmeve në studio dhe jo nëpër intervista, transmeton koha.net.

Pavarësisht linjave seksi, prezantuesja thotë se nuk do të pranonte të fotografohej për revistën “Playboy”, siç kishte bërë Enki.

“Unë punoj në televizion dhe s’jam modele dhe nuk jam e interesuar për këso oferta, pavarësisht sa para janë në tavolinë”, thotë ajo.