Presidenti slloven Borut Pohar viziton sot Kosovën, takohet me Osmanin

Presidenti i Sllovenisë, Borut Pohar sot do të qëndrojë për vizitë zyrtare në Kosovë. Ai do të pritet në takim nga presidentja Vjosa Osmani, takim ky i cili do të mbahet pasdite në orën 16:00.

Një ditë para vizitës së tij në Kosovë, presidenti slloven në një intervistë ekskluzive për Telegrafin, ka folur rreth qëllimit të kësaj vizite, marrëdhëniet Kosovë-Slloveni dhe qëndrimin e shtetit të tij për marrëveshjen finale ndërmjet dy shteteve Kosovës dhe Serbisë.

Pahor ka thënë se ai nuk qëndron prapa asnjë ‘non paper-i’ që kanë dalë këto ditë.

Lexo po ashtu Ekskluzive, flet për Telegrafin Presidenti slloven Pahor një ditë para vizitës në Kosovë: Nuk e kam të njohur non-paper-in, idetë mbi ndryshimin e kufijve janë plotësisht të papranueshme

“Nuk e kam të njohur non-paper-in. Le ta përsëris atë që e kam thënë qartë shumë herë: idetë mbi ndryshimin e kufijve për mua janë plotësisht të papranueshme. Ta them qartë se nuk i mbështesë mendimet mbi ndryshimin e kufijve në rajon, pasi kjo gjë në këtë rajon askurrë nuk ka përfunduar në mënyrë paqësore”, ka thënë presidenti slloven për Telegrafin.

Ai gjithashtu ka thënë se Sllovenia është kundër korrigjimit të kufijve në Ballkan dhe shteti i tij mbështet marrëveshjen për të cilën pajtohen Kosova e Serbia./Telegrafi/