Piloti ateron aeroplanin, pasi bashkëpiloti gati u “thith” nga dritarja e thyer, në 10 mijë metra lartësi (Foto/Video)

Një aeroplan i Sichuan Airlines (Airbus A319) u detyrua të kryejë një ulje ekstreme emergjente në Kinë, pasi një nga xhamat e kabinës u shkatërrua, gati duke thithur bashkëpilotin nga aeroplani në 10 mijë metra lartësi.

Sipas mediave të huaja, përcjell Telegrafi, aeroplani u ngrit nga qyteti i Chongqing në 6:26 të hënën dhe ka arritur të ngrihet në 10 mijë metra lartësi kur një xham në anën e djathtë të kabinës u hodh papritmas, duke detyruar një ulje emergjente në Aeroportin Ndërkombëtar të Chengdu Shuangliu në orën 7:42.

This is how cockpit looks after the emergency landing.#3U8633 pic.twitter.com/9tMsdOZB0q

— ChinaAviationReview (@ChinaAvReview) May 14, 2018

“Nuk kishte asnjë shenjë paralajmëruese, papritmas xhami sapo kishte plasaritur dhe bëri një zhurmë të madhe. Gjëja tjetër që unë e di, bashkëpiloti gati u thith nga dritarja”, tha kapiten Liu Chuanjian.

Sichuan 3U8633 from Chongqing to Lhasa diverted to Chengdu. Lost one windshield at FL332. Descend to FL240 due to high terrain (@flightradar24 data). Cabin decomp. FCU failure and some parts sucked out. Landded safely with bust tires. One pilot and one cabin crew injured. pic.twitter.com/8aViRZoOE0

— ChinaAviationReview (@ChinaAvReview) May 14, 2018

Bashkëpiloti dhe një anëtar tjetër i ekuipazhit pësuan lëndime të lehta, duke marrë parasysh shkallën e dëmtimit, tha autoriteti i aviacionit të Kinës, pa dhënë hollësi për atë që mund të ketë shkaktuar incidentin.

Për fat të mirë, aeroplani u ul në mënyrë të sigurt me të gjithë 119 pasagjerët dhe nëntë anëtarët e ekuipazhit në bord. /Telegrafi/