Pesë gjërat që duhet t’i dini për Sarrin para kalimit te Chelsea

Maurizio Sarri është afër nënshkrimit me Chelsean pas shkarkimit të Antonio Contes. Një tjetër italian, për një tjetër italian, por edhe pse kanë kombësi të njëjtë, stili i tyre i lojës është i ndryshëm.

Largimi i Contes u konfirmua të premtën dhe tashmë po bëhen përgatitjet finale për të prezantuar Maurizio Sarrin.

Por, kush është Sarri dhe çka mund të presin tifozët e Chelseat prej tij?

Një udhëtar

Sarri ka filluar karrierën menaxheriale në Pescara në vitin 2005, para se mori detyrën e trajnerit te Aezzo, Avellino, Hellas Verona dhe Perugia.

Më pas ai ka pasur periudha të shkurtëra te Alessandria dhe Sorrento, e ku kaloi më pas në Empoli për tri sezone, para se mori drejtimin e Napolit në vitin 2015, për t’u shpallur nënkampion.

Një argëtues

Tri vitet e tij te Napoli kanë shfaqur atë si një zhvillues i një prej skuadrave më atraktive në Evropë.

Bosi i Manchester Cityt, Pep Guardiola, pasi luajti ndaj Napolit në Ligën e Kampionëve sezonin e kaluar tha: “Ne jemi përballur me një prej ekipeve më të mira që jam ndeshur ndonjëherë në karrierë – ndoshta më i miri”.

Afër triumfit të Scudettos

Dominimi i fundit i Juventusit në top kategorinë e futbollit italian për pak sa nuk u përfundua nga super ekipi i Napolit sezonin e kaluar.

Ata nuk ja dolën në fund duke përfunduar katër pikë prapa Zonjës së Vjetër, që e rrëmbeu Scudetton e shtatë rresht.

Përmirëson lojtarët e tij

Nën drejtimin e Sarrit, Dries Mertens u transformua në një prej lojtarëve më të rrezikshëm në Evropë, ku sulmuesi belg ka arritur 56 gola në dy sezonet e tij për Napolin.

Piotr Zielinski, Jorginho dhe Lorenzo Insigne të gjithë kanë lulëzuar nën drejtimin e Sarrit.

Pëlqen polemikat

Prisni zjarr sa herë ai të përballet me Jose Mourinhon dhe Jurgen Kloppin në stol.

Pyesni Roberto Mancinin i cili ka thënë për Sarrin pas një konflikti të nxehtë në vitin 2016: “Njerëz sikur ai nuk duhet të jenë në futboll”.

/Telegrafi/