Personazhi i njohur nga “Game of Thrones” ka tashmë ‘binjakun’ shqiptar! – Capital T me një ide të veçantë para lansimit të mixtape (Video)

Reperi i njohur Capital T tash e sa muaj po e përmend vazhdimisht tetorin, si muajin që do të sjellë diçka të madhe.

Dalë nga dalë përmes rreshtave, reperi i hiteve po jep shenja që tregojnë se mund të jetë një “mixtape” projekti që do të sjellë, por mbetet ende e pa konfirmuar.

Sido që të jetë, Kapo po e bën si është më së miri promovimin e këtij projekti, përmes postimeve të tij në rrjetet sociale, të cilat japin indikacione për befasinë e tij.

Kësaj radhe, ai ka realizuar një video, në të cilën shfaqet më ndryshe me flokë kaçurrela dhe i kthyer prapa, që të jep përshtypjen e personazhit të njohur ‘Jon Snow’ nga “Game of Thrones”.

Por në momentin që kamera afrohet, Trimi zbulon identitetin duke treguar se nuk është ‘Jon’, ndërsa në mbishkrimin e videos bën edhe njëherë paralajmërimin për projektin e tij të madh.

“Kushdo që ka thënë se duhet pritur një vit për sezonin e ri të ‘Game of Thrones’ nuk është e vërtetë. Sezoni i ri nis në Tetor 2017. Bëhuni gati,kjo është thjesht nxehja. Dimri po vjen” (sic.), ka shkruar Kapo në Instagram. /Telegrafi/

https://www.instagram.com/p/BYYdkZpDbyD