Përmes gjilpërave, ndal vuajtjes nga emfizema

60 milionë njerëz të cilët vuajnë nga emfizema në të gjithë botën, shumë shpejt mund të marrin lajme të mira nga një shkollë mjekësore në ShBA.

Kërkuesit në Universitetin e Pensilvania-s po studiojnë një trajtim mjekësor që mund të ofrojë zgjidhje të rëndësishme për ata që vuajnë nga emfizema e përparuar. Studimi po përqendrohet në një procedurë të quajtur ‘bajpas’ ajror i cili do të krijojë kanale për të liruar ajrin e ngujuar në mushkëri. Kështu do të lehtësonte simptomat e emfizemës që paraqitet me frymëmarrje të vështirësuar.

Në përgjithësi, emfizema shkaktohet nga pirja e duhanit. Për këtë sëmundje kronike, e cila përparon, nuk ka shërim. Është një sëmundje e pakthyeshme e mushkërive dhe karakterizohet më shkatërrimin e indit të mushkërive. Humbja e elasticitetit natyral të mushkërive, shoqërohet me prishjen e kanaleve të frymëmarrjes, duke bllokuar futjen e ajrit në mushkëri.

Pacienti rri gjithmonë në mungesë të ajrit duke marrë frymë shpesh. Për pacientin që vuan nga emfizema, aktivitetet më normale bëhen të vështira dhe detyrohen të hyjnë në terapi të oksigjenit.

“Deri më sot ka mundësi të kufizuara për ata pacientë të cilët vuajnë gjatë secilës frymëmarrje”, komenton Dr. John Kucharczuk, krye-studiues. "Kjo procedurë e re – jo kirurgjikale – krijon rrugë të reja për kalimin e ajrit dhe mund të ofrojë një mundësi tjetër për ata të cilët janë në listat e pritjes për transplantim të mushkërive”.

Gjatë procesit të bajpasit në kanalet ajrore, fizikanët përdorën fillimisht një kontroll Doppler e cila futet përmes një bronkoskopi elastik (që zakonisht përdoret për të kaluar përmes gojës deri në kanalet ajrore në mushkëri) për të identifikuar pozitat larg qelizave të gjakut.

Pastaj ata krijuan një udhë të vogël duke përdorur një gjilpërë speciale duke mbajtur të hapur kanalin. Gjilpërat mundësojnë nxjerrjen e ajrit të ngujuar në mushkëri përmes kanaleve ajrore të papenguara në mënyrë që pacienti të merr frymë më lehtë. /Telegrafi/