Për të qenë në modë këtë pranverë vishu si turiste

Tendencat e modës në këtë pranverë duket sikur kanë bërë një kthesë të madhe krahasuar me vitet e shkuara.

Atlete “ të shëmtuara”, mushama, bixhuteri plastike, por çfarë tjetër na këshillojnë njohësit e modës për këtë sezon?

Sipas tendencave dhe këshillave të fundit të tyre këtë vit stili më në modë i veshjes është ai i turistit.

E keni parasysh kur vizitoni një vend dhe endeni sa andej këndej veshur me rrobat më komode që keni pa e e vrarë mendjen se kush po ju sheh?

Të njëjtën gjë blogeret dhe stilistët e njohur ju këshillojnë ta bëni edhe në përditshmërinë tuaj, në punë, apo edhe në daljet e tjera të përditshme.

Atletet, çanta e belit, dhe rrobat e lirshme e të rehatshme janë kryefjala e trendeve të ketij sezoni.

Mos harroni t’i kushtoni vëmendje edhe syzeve dhe kapelave. Këto aksesorë përveç se mbrojnë lëkurën tuaj nga rrezet e diellit plotësojnë me detaje stilin tuaj “turistik”.

Moda nuk ka qenë ndonjëherë më komode se kaq, ndërsa krijuesit e saj nuk kanë qenë kurrë kaq bujarë me kreativitetin e tyre.

Burimi: Who What Wear