Pendarovski: Viti 2020 më i vështiri që nga pavarësia, pandemia dëshmoi se jemi të lëndueshëm

“Viti 2020 ishte një nga vitet më të vështira të pavarësisë maqedonase. E kaluam në tension të vazhdueshëm midis frikës dhe shpresës. Kishim frikë për shëndetin dhe jetën tonë. Ishim të shqetësuar edhe për ekonominë, për vendet e punës, shumë plane personale dhe profesionale janë shtyrë. Por, më tragjikja nga gjithçka, kanë humbur shumë jetë njerëzore”.

Këtë e tha presidenti Stevo Pendarovski në urimin e tij me rastin e festave të fundvitit. Ai tha se kjo pandemi dëshmoi se “jemi të lëndueshëm si njerëz”, përcjell Telegrafi Maqedoni.

“Pandemia dëshmoi se jemi të lëndueshëm si njerëz. Njëkohësisht zbuloi edhe shumë dobësi sistematike që janë burim i pabarazisë dhe padrejtësisë sociale. Nuk është ngushëllim që këto dobësi u dëshmuan edhe në shumë vende në botë, jo vetëm te ne. Por, në të gjithë këtë dhimbje dhe frikë nëpër të cilat kaluam, kishim edhe arsye për shpresë”.

“Këtë shpresë na e dhanë heronjtë tanë, punonjësit shëndetësorë, të cilët luftojnë përditë, me sakrificë për shëndetin dhe jetën e çdo pacienti, madje edhe natën e Vitit të Ri”, u shpreh Pendarovski duke uruar që në vitin 2021 të kemi të kemi shëndet, vetëm shëndet, që të mund t’i realizojmë të gjitha dëshirat tona./Telegrafi/