LAJMI I FUNDIT:

Pendarovski: Propaganda nga vendet e treta dhe lajmet e rreme janë rrezik për rajonin

Pendarovski: Propaganda nga vendet e treta dhe lajmet e rreme janë rrezik për rajonin

Presidenti Stevo Pendarovski sot mbajti fjalim në konferencën virtuale “Para së ardhmes – Përgatitjet për NATO 2030” në organizim të Klubit Atlantik në Bullgari, me rastin e 30 vjetorit të themelimit të tij.
Duke e uruar jubilarin domethënës për organizatën, presidenti Pendarovski foli për përfitimet të cilat Republika e Maqedonisë së Veriut i ka nga anëtarësimi në NATO, pas dy dekadave të statusit kandidat dhe në sërë krizash.

Mes leksioneve të mësuara nga historia më e re, siç tha presidenti Pendarovski, është rëndësia e paralajmërimit të hershëm, veçanërisht sot, kur sfidat janë të dyfishuara dhe më të komplekse, përfshirë luftën kibernetike dhe hibride, apo sfidën më të re – menaxhimin me pandeminë, e cila përveç pasojave shëndetësore, sociale dhe ekonomike, ka edhe pasoja të sigurisë.

Me rëndësi për stabilitetin e bashkësisë transatlantike është kohezioni midis partnerëve, sepse, siç theksoi presidenti Pendarovski “asnjë problem në Ballkan nuk do të zgjidhej në tre dekadat e fundit, nëse nuk sinkronizoheshin SHBA-ja dhe Evropa”.


Pendarovski u përqendrua edhe në non-pejperët e liferuara kohët e fundit, në të cilat përmendet dryshim i kufijve të Ballkanit Perëndimor. Sipas tij, asnjë qeveri e përgjegjshme apo politikan në Evropë nuk do ta mbësgtesë këtë ide të rrezikshme, por, sipas tij, propaganda nga palët e treta nuk përjashtohet. Shefi i shtetit theksoi se në rajon ende ka shumë histori e cila na mban të gjithëve në sediljet e pasme në Evropë.

Siç lajmëroi korrespondenti i MIA-s nga Sofja, nënkryetarja e Bullgarisë, Ilijana Jotova në fjalimin në konferencë theksoi se siguria evropiane është një aspekt shumë i rëndësishëm për të gjithë. Ajo bëri thirrje në ndryshime në Marrëveshjen e Lisbonës në pjesën e autorizimit të përfaqësuesit të lartë për siguri dhe politikë të jashtme, pasi ato nuk janë zgjidhur mirë.

Zëvendëssekretari i përgjithshëm i NATO-s, Mirçea Xhoana paralajmëroi se aktivitetet ruse në Detin e Zi dhe i vlerësoi si sfidë për të gjithë në rajon, duke përkujtuar në aneksionin e Krimesë nga Rusia, që, sipas tij, e ka treguar natyrën e Moskës. Xhoana theksoi se sulmet kibernetike dhe fushatat për dezinformim janë sfidë më e madhe sot, jo vetëm për shtetet, por edhe për NATO-n dhe shtoi se nevojitet veprim i përbashkët që të parandalohen.

Në forumin virtual fjalime do të mbajnë edhe tre ish sekretarë të përgjithshëm të NATO-s, Havier Solana, Xhorxh Robertsoni dhe Jap de Hop Sheferi, si dhe ndihmës sekretari i shtetit të SHBA-së Majkëll Marfi. Në konferencë merr pjesë edhe ish presidenti i Bullgarisë Petar Stojanovi, në kohën e të cilit në vitin 1997 vendi aplikoi për hyrje në NATO.

Në trend Lajme

Më shumë
Publikohet video e rrallë e komandantit legjendar, Adem Jashari

Publikohet video e rrallë e komandantit legjendar, Adem Jashari

Lajme
Ramadani: Shpresim Uka ka dhënë deklarata të pavërteta, kam incizuar një bisedë katërorëshe me të në Merdar

Ramadani: Shpresim Uka ka dhënë deklarata të pavërteta, kam incizuar një bisedë katërorëshe me të në Merdar

Lajme
Ekspertët i sigurisë: Ka foto e prova ndaj dy të akuzuarve për spiunazh, që janë të mjaftueshme për gjykatën

Ekspertët i sigurisë: Ka foto e prova ndaj dy të akuzuarve për spiunazh, që janë të mjaftueshme për gjykatën

Siguri
Analistët komentojnë

Analistët komentojnë "ofertën" e Limajt për Kurtin: Vetfaktorizim apo hapje e lojës politike?

Politikë
Lushtaku: Nëse Limaj do që të marrë fund politikisht, mund të shkojë në koalicion me Kurtin

Lushtaku: Nëse Limaj do që të marrë fund politikisht, mund të shkojë në koalicion me Kurtin

Politikë
Mashtrimi me pension invaliditeti në Zvicër, gruaja nga Kosova përfitoi pa të drejtë 173 mijë franga

Mashtrimi me pension invaliditeti në Zvicër, gruaja nga Kosova përfitoi pa të drejtë 173 mijë franga

Sociale
Kalo në kategori