Pendarovski: Nëse e humbim kombin, nuk kemi nevojë për integrim në BE

“Kemi krijuar një shtet dhe nuk do ta humbim atë”, tha Presidenti Stevo Pendarovski, duke theksuar se një konsensus i gjerë kombëtar është i nevojshëm për zhvillimin, përcjell Telegrafi Maqedoni.

“Kemi nevojë për një konsensus të ri, të gjerë kombëtar dhe shtetëror për zhvillim që do të mbështetet nga subjektet politike përkatëse në vazhdimësi, pavarësisht nëse ata janë në pushtet apo në opozitë. Pa atë, ne do të festojmë vetëm çdo përvjetor të ardhshëm të pavarësisë, pa pasur asgjë për të festuar”, tha sot Presidenti Stevo Pendarovski, në tubimin shkencor të organizuar nga Akademia e Shkencave dhe Arteve të Maqedonisë, në të cilën tryezë së bashku me presidentin aktual ishin të pranishëm edhe dy ish-presidentët e vendit Gjorge Ivanov dhe Branko Crvenkovski.

Pendarovski thotë se është e qartë se në këtë fazë të zhvillimit politik, pajtimi civil është i pamundur, por të gjithë aktorët aktual politikë janë të detyruar me një shembull modest personal të kontribuojnë në de-përshkallëzimin e tensioneve që ndonjëherë paralizojnë të gjithë vendin.

“Krijuam një shtet dhe nuk do ta humbasim, por nuk ka fare rëndësi se në cilin vend jetojmë, domethënë nëse fëmijët dhe nipërit tanë do të duan të jetojnë në një vend të tillë. “Nëse duam të themi pas 30 ose 50 vjetësh se kemi një vend me të gjitha pamjet, duhet të gjejmë një zgjidhje për problemet aktuale”, tha Pendarovski./Telegrafi/