Pendarovski: Jemi të gatshëm për të zgjidhur kontestin me Bullgarinë

Është e nevojshme të identifikohet bashkëbiseduesi nga pala bullgare, ne jemi të gatshëm për të zgjidhur mosmarrëveshjen, tha Presidenti Stevo Pendarovski në Bruksel.

Ai thotë se problemi më i madh me Bullgarinë për momentin është se nuk ka konsensus të plotë për organizimin e konferencës së parë ndërqeveritare, pasi zgjedhjet në Bullgari përfunduan me një epilog të paqartë.

“Është e nevojshme të fillojmë bisedimet për të identifikuar bashkëbiseduesin nga pala bullgare dhe ne jemi gati të zgjidhim mosmarrëveshjen bilaterale me fqinjin tonë”, tha Pendarovski, nga selia e Bashkimit Evropian.

Kjo është vizita e dytë e Pendarovskit në institucionet më të larta evropiane në dy vitet e fundit dhe ai u takua me zyrtarë të lartë të BE, duke filluar me Presidentin e Këshillit Evropian Charles Michel, Ministrin e Jashtëm të BE Josip Borrell, Presidentin e Parlamentit Evropian., David Sassoli, gjithashtu edhe me Komisionerin për Zgjerim Oliver Varhelyi.

Pendarovski bisedoi me bashkëbiseduesit e tij në lidhje me mosmarrëveshjen bilaterale me Republikën e Bullgarisë, pandeminë e coronavirusit dhe pasojat me të cilat përballen vendet evropiane, si dhe nivelin e lartë të korrupsionit në vend dhe reformat./Telegrafi/