Pasagjerët dëgjuan një ‘goditje të fortë’, bënë pothuajse të gjithë udhëtimin 14-orësh me një vrimë të hapur në anën e aeroplanit

Pasagjerët e tmerruar të një aeroplani mbetën në panik kur zbuluan se aeroplani i tyre kishte bërë pothuajse të gjithë udhëtimin 14-orësh me një vrimë të madhe në njërën anë të tij.

Sipas mediave të huaja, përcjell Telegrafi, ata dëgjuan një zhurmë të fortë vetëm 45 minuta pasi aeroplani i tyre u ngrit – dhe kur u ulën, ata kuptuan se zhurma ishte një goditje që kishte krijuar disi një vrimë në aeroplanin e tyre.

Kështu, aeroplani i Emirates nga Dubai në Aeroportin Ndërkombëtar të Brisbane kishte qenë në ajër për gati 14 orë me një “boshllëk” në anën e majtë.

A plane has landed in Brisbane, with a hole in the side of its fuselage after a wheel exploded in the undercarriage. Emirates flight EK430 took off from Dubai yesterday before one of its wheels erupted shortly after retracting. https://t.co/VZ3A1cpmr5 #7NEWS pic.twitter.com/pskyF9pkiB

— 7NEWS Brisbane (@7NewsBrisbane) July 2, 2022

Një udhëtar, Patrick, ka thënë: “Ishte një zhurmë e fortë dhe e ndjeva atë edhe përmes dyshemesë. Ekuipazhi i kabinës qëndroi i qetë, ndaloi shërbimin e ushqimit dhe kontrolloi krahët dhe motorët”.

Ndërkohë, shkruan Daily Star, një zëdhënës i Emirates konfirmoi se aeroplani pësoi dëmtime gjatë udhëtimit të tij. /Telegrafi/