Parlamenti Evropian propozon rregullat e para evropiane për inteligjencën artificiale

Parlamenti Evropian miratoi të martën propozimet për të rregulluar inteligjencën artificiale për të rritur inovacionin, besimin në teknologji dhe për të forcuar standardet etike, tha Parlamenti Evropian.

Ky i fundit ishte një nga institucionet e para që paraqiti propozime për të rregulluar inteligjencën artificiale në drejtim të standardeve etike, përgjegjësive dhe të drejtave të pronësisë intelektuale, raporton reuters.

Këto propozime mund ta bëjnë Bashkimin Evropian një udhëheqës global në zhvillimin e inteligjencës artificiale.Komisioni pritet të paraqesë një propozim legjislativ mbi këtë çështje në fillim të vitit të ardhshëm, transmeton Telegrafi.

Rregulloret e ardhshme duhet të bazohen në disa parime udhëzuese, duke përfshirë inteligjencën artificiale të bëra nga njeriu, sigurinë, transparencën dhe llogaridhënien, masat mbrojtëse kundër paragjykimeve dhe diskriminimit, të drejtën për korrigjim, përgjegjësinë sociale dhe përgjegjësinë mjedisore si dhe respektimin e privatësisë dhe mbrojtjen e të dhënave.

Teknologjitë e inteligjencës artificiale me rrezik të lartë, të tilla si ato me aftësinë për të mësuar në mënyrë të pavarur, duhet të hartohen për të lejuar kontrollin e njeriut në çdo kohë.

Nëse përdoret një funksion që mund të shkelë rëndë parimet etike dhe është potencialisht i rrezikshëm, vetë-mësimi duhet të çaktivizohet dhe të futet mbikëqyrje e plotë njerëzore. /Telegrafi/