Botë Nga Bota Azia

Pamjet e reja me dron tregojnë ndërtimin e megaqytetit 500 miliardë dollarësh në shkretëtirën e Arabisë Saudite

Para 2 vitesh

Arabia Saudite ka filluar të hapë terren për një nga projektet e ëndrrave që kushton 500 miliardë dollarë.

Pamjet e sapo publikuara me dron sugjerojnë se Arabia Saudite po ndërton diçka në shkretëtirë që mund të jetë megaqyteti i saj i premtuar prej kohësh “The Line”, pavarësisht supozimeve të përhapura se i gjithë projekti ishte një fantazi utopike në rastin më të mirë.

Kompania arabe e fotografive me “Ot Sky mori pamjet dhe ato u publikuan nga Dezeen, një revistë arkitekturore e cila më parë intervistoi drejtorin ekzekutiv të NEOM për planifikimin urban, Tarek Qaddumi.

“Pavarësisht shtrirjes së saj, ajo do të përfundojë duke demonstruar se bota ka kapacitetin njerëzor, teknologjinë dhe angazhimin për të revolucionarizuar mënyrën tonë të tanishme të jetesës”, tha Qaddumi për Dezeen.

Videoja tregon kamionë dhe makineri të tjerë të rëndë që punojnë në shkretëtirë, dhe ekskavatorë të shumtë duket se po pastrojnë nëpër tokë.

Arabia Saudite nuk ka histori të shkëlqyeshme të ndërtimit të projekteve të mëdha të përqendruara në kohë. Vlen të përmendet se ka vetëm dy: i pari i ndërtuar për t’i shërbyer Mekës në vitin 2010 dhe i dyti në Riad, kryeqyteti i Arabisë Saudite dhe shtëpia e 7.6 milionë banorëve, ndërtimi i të cilit filloi në vitin 2014, por është përballur me vonesa të konsiderueshme (së pari në 2019, pastaj 2021, dhe tani 2023).

Ky projekt masiv i tranzitit publik mund të ketë kushtuar 27 miliardë dollarë, por kjo është qindarkë në krahasim me 500 miliardë dollarë që Princi i Kurorës, Mohammed bin Salman shpreson të shpenzojë jo vetëm në “The Line”, por në NEOM, një ombrellë gjithëpërfshirëse e projekteve futuriste të megaqyteteve.

Në fund të fundit, nuk do të jetë e lirë të ndërtosh një qytet plot me dinosaurët robotë, një hënë artificiale dhe mutacione gjenetike për të rritur forcën dhe koeficientin e inteligjencës – ose të paguash konsulentët për t’i kthyer këto ëndrra në realitet.

Nëse projekti tingëllon i çmendur, kjo ndodh sepse është ashtu. Qytetet lineare janë një ide e diskredituar prej kohësh, ku shumica po zhduken në errësirë ose thjesht bëhen periferi në disa metropole të përhapura.

“Line” mund të jetë e ndryshme në atë se sa spektakolare premton të jetë: 169 kilometra e gjatë, 100 për qind e përdorur me energji të rinovueshme, me të gjitha llojet e mallrave dhe shërbimeve të ndryshme.

Do të ketë mure gjigante që do të shkojnë paralelisht përgjatë gjithë gjatësisë, dhe do të jenë 500 metra të gjatë, 200 metra të gjerë dhe plot bimësi të harlisur.

E gjithë kjo tingëllon bukur, por edhe në faqet e Dezeen – një nga ueb-faqet e pakta që ka realizuar një intervistë ekskluzive me drejtuesit e NEOM – ekspertët i kanë hedhur poshtë qëllimet e projektit si jorealiste dhe qytetin e propozuar si të pajetueshëm.

“Mendimi utopik është i rëndësishëm; ai na ndihmon të sfidojmë paragjykimet në mjedisin e ndërtuar që kanë gjeneruar rezultate konvencionale të cilat ne e dimë se kontribuojnë në degradimin e mjedisit”, tha për Deezen, Philip Oldfield, kreu i shkollës së mjedisit në Universitetin e New South Wales Sydney.

Asnjë nga këto nuk i ka dhe nuk do t’i pengojë zyrtarët e Arabisë Saudite, të cilët tashmë kanë dënuar me vdekje tre burra indigjenë që refuzuan të largoheshin nga shtëpitë e tyre pasi pengonin projektin NEOM.

Megjithatë, nëse njerëzit do të pushojnë së pretenduari se ky projekt është diçka më shumë se një humbje burimesh apo një lojë e rrezikshme që mund të kushtojë jetë njerëzish, është një pyetje tjetër. /Telegrafi/