Pa A5X në iPhone

Edhe pse iPadi i ri u paraqit pardje, e versioni i ardhshëm i iPhone sipas të gjitha gjasave do të paraqitet kah fundi i vitit, qysh tani kanë filluar supozimet nëse A5X i cili tani ndodhet në iPad do të përdoret edhe në iPhonein e ardhshëm, seç është edhe zakon te Apple. Nëse mund ti besojmë analizave – në këtë variant pothuajse sigurisht përgjigja është jo.

Procesori A5X është i bazuar në RISC ARM9 dhe ka dy bërthama të procesorit qendror dhe katër bërthama grafike. Vendimi që të shkohet “vetëm” me dy bërthama të procesorit kryesorë ka kuptim duke pasur parasysh gjendjen e iOS-it dhe faktin se nuk ka multitasking të vërtetë (duke mos llogaritur disa procese të sistemit), dhe duke pasur parasysh mënyrën në të cilën përdoret pajisja. Përsa i perkës katër bërthamave grafike, duke pasur parasysh se ekrani i ri ka rezolucionin 2048×1536 ato gjithsesi kanë kuptim për të përkrahur rifreskimin e grafikës në rezolucionin kaq të lartë për të mos u dalluar nga iPad 2.

Mirëpo, sipas analizës së The Linley Group dhe ekipit nga Mercury Research, fuqia kaq e madhe përpunuese është e tepërt për iPhone, pa marrë parasysh rritjen eventuale të ekranit dhe rezolucionit, e njëkohësisht edhe teknologjia e zhvillimit të procesorëve (40-nanometra) garanton shpenzimin shumë të lartë për të arsyetuar përdorimin në një celularë.

Mundësia eventuale ekziston nëse versioni i ri i procesorit deri në fund të vitit do të punohet në procesin prodhues prej 28-nanometrave, edhe pse ende mbetet çështje nëse ia vlen të përdoren katër bërthama grafike në ekranin relativisht të vogël të celularit. /Telegrafi/