Organizohet Barcamp Gjakova #14

Të shtunën, me 30 Maj 2015, Komuniteti Aktiv Qytetar sjellë konferencën jo-formale të radhës BarCamp Gjakova #14.

Këtë radhë do të ketë tema të llojllojshme nga folësit e ftuar, ku për diskutim do të ndajnë eksperiencën e tyre: Astrit Lleshi, Butrinti Batalli dhe Kujtim Rrahmani, biografitë e të cilëve mund ti gjeni në vazhdim:

-Astrit Lleshi punon në Tribunalin Penal Ndërkombëtar për ish-Jugosllavinë (ICTY) të Kombeve të Bashkuara në Hagë, Holandë që nga viti 2002 , ku ofron mbështetje psiko-sociale për viktimat dhe dëshmitarët që dëshmojnë në gjykatën ndërkombëtare për krime lufte. Ndërsa 15 vite më parë ka punuar për “War Child Holland” si dhe OSCE në Gjakovë. Astriti është duke vazhduar magjistraturën më temë “terrorizmi dhe siguria” pranë Univerzitetit të Salford, Manqester në Britani, ndërsa ka përfunduar Univerzitetin në drejtësi pranë Univerzitetit “Bogdan Voda, në Cluj- Napoca, Romani, si dhe ka një BA tjetër në drejtësi pranë Univerzitetit AAB në Prishtinë.

Astriti do të flas për punën në Tribunalin Penal Ndërkombëtar për ish-Jugosllavinë, si dhe për Viktimat luftërave dhe pervojat e tyre si dhe rastet e ndryshme aktuale dhe të kaluara.

-Butrinti Batalli është i certifikuar si Konsulent Menaxherial CMC (Certified Management Consultants ) si dhe Menaxher i Sistemeve te Cilësisë nga EOQ (European Organization for Quality), me përvojë të gjerë në prodhim dhe konsulencë menaxheriale i angazhuar në fushat e menaxhimit të cilësisë, mentorim, auditime të cilësisë, zhvillimin institucional dhe organizativ. Butrinti është partner menaxhues në “INOVA” Industrinë e Gypave të Plastikës si dhe në INOVA Consulting, kompani Kosovare e konsulencës me theks të veçantë në ISO standarde. Ai ka më shumë se 15 vite përvojë profesionale. Përgjatë viteve, Butrinti ka ofruar shërbime këshilluese për ndërmarrje të shumta të sektorit privat, në veçanti në krijimin e sistemeve të menaxhimit sipas standardeve ndërkombëtare ISO. Studimet universitare i përfundoi në Fakultetin Ekonomik në Universitetin e Prishtinës, në degën Menaxhment & Informatikë, ndërsa studimet e magjistraturës për Diplomaci dhe Marrëdhënie Ndërkombëtare në një program të veçantë në UBT dhe Diplomatische Akademie – Wien. Momentalisht është kandidat doktorant pranë ECPD-së në fushën e Menaxhmentit.

Butrinti është Kryetar i zgjedhur i Klubit Rotarian për vitin 2015/2016, ndërsa në Barcamp do të flas për Rotary’n në përgjithësi, si misioni e vlerat, shërbimi ndaj komunitetit, aktivitetet etj.

-Kujtim Rrahmani menaxhon Zyrën Informative Turistike përmes ogranizates “Prokult”, me qëllim që të promovoj turizmin në Gjakovë. Ndërsa ka punuar ne projekte të ndryshme të mbështetura nga donatorë si; Ambasada Norvegjeze, UNDP, USAID/ National Geographic, Komisionin Europian, IREX USAID, USAID/ FDI, Swisscontact etj. Kujtimi ka përfunduar studimet në Univerzitetin e Prishtinës, dega ekonomi dhe administrim, si dhe mban diplomë pranë Kolegjit Dardania në ekonomi dhe turizëm.

Kujtimi në Barcamp do të flas për trashigiminë dhe turizmin.

Vendi ku do të mbahet ngjarja është DEL House, ndërsa për freskim ju ofrohet edhe nga një pije falas. BarCamp Gjakova ogranizohet nga Komuniteti Aktiv Qytetar dhe mbështetet nga Fondacioni IPKO.