Operacioni i suksesshëm në zemër të hapur shpëton jetën e pacientes

Në Spitalin Medicine si shpeshherë në këto katër vjet, u krye me sukses operacioni i radhës në zemër të hapur tek pacientja 60 vjeçare e cila kishte katër arterie të ngushtuara.

Specialistët e spitalit, kirurg të zemrës, si është rregulli kanë shfrytëzuar një arterie nga gjoksi dhe tri të tjera nga këmba e pacientes, për t’i zëvendësuar arteriet e zemrës të mbyllura nga sëmundja, duke i shpëtuar jetën 60 vjeçares, së cilës gjendja i është përkeqësuar rëndë ditëve të fundit.

Shkaku primar i gjendjes kritike të pacientes ishte sëmundja nga diabeti, me të cilën ajo ballafaqohej tash e 20 vite.

“Përveç sëmundjes së diabetit, shkaqe tjera që kontribuan në rritjen e rrezikut dhe në paraqitjen e problemeve në zemër ishin obeziteti dhe shtypja e lartë e gjakut, që si pasojë rëndom kanë ngushtimet në arterie të zemrës, me të cilat pastaj pacientët vështirë përballen”, deklaruan më tutje mjekët specialistë në Spitalin Medicine.

“Operimi, i cili vlerësohet të jetë shumë i suksesshëm, është bërë në zemër të hapur me bashkëpunim të ekipit mjekësor të përbërë nga kardiologë, kardiokirurgë, anesteziologë e staf tjetër mbështetës profesional. Bashkarisht shpëtuam jetën e pacientes”, deklaruan kardiokirurgët e Spitalit Medicine.

Mësohet se pacientja i bëri të gjitha analizat në Tiranë dy muaj më parë dhe u këshillua t’i nënshtrohej operimit në afat të shkurtë kohor.

Pas analizave, pacientja mund të udhëtonte në Francë ose në Tiranë për të bërë operimin por, ajo zgjodhi Spitalin Medicine dhe vendosi të operohej në Kosovë.

“Spitali Medicine është i vetmi institucion shëndetësor që bën operime në zemër të hapur në Kosovë”, sqaruan më tutje mjekët e spitalit.

Spitali Medicine aktualisht mund të cilësohet si njëri prej spitaleve më të mira në Kosovë në fushën e kardiologjisë dhe kardiokirurgjisë. Kjo dëshmohet me numrin e intervenimeve të kryera, disa sosh të komplikuara e komplekse, siç ishte edhe operimi në zemrën e hapur i pacientes 60 vjeçare.

“Raste të tilla si rasti i fundit, edhe njëherë dëshmojnë profesionalizmin dhe përvojën e gjatë të kardiokirurgëve në Spitalin Medicine. Me anë të operimit shumë të suksesshëm ne arritëm që pacientes t’ia rikthejmë rrjedhën e gjakut në muskujt e zemrës, duke përmirësuar kështu funksionin e zemrës. Rezultatet tanimë janë të shkëlqyera dhe gjendja shëndetësore e pacientes është stabile”, deklaroi Dr. Ali Hocaoglu, drejtor i përgjithshëm në spitalin Medicine.

Përmes shërbimeve profesionale, Spitali Medicine, vazhdon të përcaktoj standarde të nivelit ndërkombëtar në sektorin e shëndetësisë në Kosovë, duke ofruar trajtim të duhur në kohë të duhur, përmes stafit profesional, mbështetur nga pajisjet më të avancuara mjekësore.