Njohësit e çështjeve politike, organizimin e protestave të OBRM-PDUKM-së në shumë qytetet të Maqedonisë, e shohin si test për vetë anëtarësinë e kësaj partie pas zhvillimeve të fundit në këtë parti, përkatësisht arrestimin e funksionarëve të lartë të OBRM-PDUKM-së, të cilët ngarkohen për korrupsion, si dhe arratisjes në Hungari të ish-kryeministrit Nikolla Gruevski.
Kryetari i OBRM-PDUKM-së, Hristian Mickoski, protestat i ka cilësuar si “revolucion kundër dëshpërimit kombëtar”, përmes së cilave synohet t’u jepet fund problemeve dhe përndjekjeve politike që, sipas tij, po i bën Qeveria e Zoran Zaevit.
“Tanimë një vit e gjysmë sa është në pushtet, Zaev po e shkatërron Maqedoninë, pas gjithë këtyre poshtërimeve dhe pazareve me interesat kombëtare. Ne do të qëndrojmë këtu për të protestuar me të gjithë qytetarët pa dallim kombi dhe besimi.
“Do t’ua tregojmë vendin tuaj në histori. Në zgjedhjet e ardhshme presidenciale dhe parlamentare do t’ju mposhtim. Nuk do të largohemi nga këtu derisa ta shohim ikjen tuaj. Do të ngrohin rrezet e lirisë”, ka theksuar para protestuesve Mickoski.
Ndërkohë, duke komentuar daljen në rrugë të OBRM-PDUKM-së për të protestuar, Isak Sherifi, njohës i çështjeve politike për Radion Evropa e Lirë thotë se “rrethanat politike, të cilat u krijuan pas arratisjes së ish-kryeministrit të Maqedonisë, Nikolla Gruevski, në Hungari”, OBRM-PDUKM-ja ishte e detyruar që t’i intensifikojë aktivitetet partiake. Kjo, sipas tij, fillimisht që të shpërqendrojë vëmendjen e opinionit po edhe vetë anëtarësisë nga ajo se partia po dobësohet duke vënë fokusin te problemet ekonomike që kanë qytetarët, e deri tek ajo se OBRM-PDUKM-ja si parti, atakohet pasi ajo mbron interesat e shtetit.
“Unë konsideroj se këto protesta janë vetëm për të korrigjuar përkatësisht verifikuar situatën brenda partisë pas arrestimeve të njëpasnjëshme të Kryesisë së kësaj partie. Njëkohësisht, synohet të sensibilizohet opinioni brendshëm dhe ai i jashtëm gjoja se ndaj anëtarëve të kësaj partie, po bëhet përndjekje politike dhe jo se bëhet fjalë për përndjekjeje kundër korrupsionit dhe shantazheve që ndodhën në Maqedoni, gjatë qeverisjes së Nikolla Gruevskin në krye të OBRM-PDUKM-së”.
“Pasi 8 deputetë që mbështetën ndryshimet kushtetuese u larguan nga OBRM-PDUKM Sherifi, ligjërues në Universitetin e Tetovës.
Nga ana tjetër, politologu maqedonas, Petar Arsovski, për Radion Evropa e Lirë e sheh si shumë pozitiv aktivizimin e partisë pas zhvillimeve të fundit që kanë të bëjnë me drejtuesit më të lartë të saj.
“Është me shumë rëndësi që partia të aktivizohet dhe të gjejë një narrativ për t’u promovuar si forcë relevante politike, por mendoj se në këtë moment që Maqedonia po ec me hapa të sigurt drejt integrimeve në strukturat euroatlantike çfarëdo që kritikohet në këtë drejtim, qofshin ndryshimet kushtetuese apo diçka që ndërlidhet me këtë proces, është në dëm të partisë sepse shumica e qytetarëve dëshirojnë që vendin sa më parë ta shohin si pjesë e NATO-s dhe BE-së”, thotë Arsovski.
Ndryshe, drejtuesit e OBRM-PDUKM-së kanë theksuar se protestat do të organizohen për çdo të mërkurë në Shkup si dhe gjatë vikendeve të njëjtat do të organizohen në shumë qytete të Maqedonisë, siç kanë theksuar, deri në momentin që do të rrëzohet Qeveria./Rel/
Promo
Reklamo këtuLufta Prigozhin - Putin
Më shumëNga Rubrika
RMV: Njëzet e pesë raste të reja të kollës së mirë, pesë janë hospitalizuar, gjithsej 1.074 të sëmurë
Kurti: Policia e Kosovës më e afta, më e disiplinuara dhe më profesionalja në rajon
Kopshtet e fëmijëve në Strugë pa kuadër profesional, Limani: Është pamundësuar për shkak të mosemërimit të drejtorit nga ana e kryetarit të komunës
Bllokohet rruga në afërsi të pikës kufitare në Merdar
Gjendja aktuale në pikat kufitare me Serbinë
Hapet shkolla e parë për Inteligjencën Artificiale: Flet themeluesi, Valon Canhasi
Maqedonci në Gjermani: Kosova do të dhurojë një flotë automjetesh për Ukrainën
Çfarë solli vizita e Lajçakut në Kosovë, sipas analistëve
Për herë të parë Policia e Kosovës bëhet me himnin dhe marshin e saj
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë tregonte harta dhe ‘plani i Netanyahu për Gazën’?
Çanak: Sulmi në Banjskë, fundi i luftimeve midis Serbisë e Kosovës
Kush i fiton zgjedhjet parlamentare të 9 shkurtit, komentojnë analistët
Çfarë kërkoi Rabiot që frikësoi Juventusin, Milanin dhe klubet në Turqi
Zbulohen top 10 lojtarët më të paguar te Man United - dominohet nga "dështakët"
San Marino merr fitoren e parë pas më shumë se 20 vitesh