Nuk ka ushqime për veganët, restoranti anglez: Jemi ngopur me qëndrimin tuaj se jeni më të mirë se të tjerët

Restoranti i famshëm London House, i vendosur në Isle of Wight në Angli, u përball me një valë kritikash dhe komentesh negative kur zbuluan menynë për restorantin e tyre të ri, The London House Bistro.

Gjegjësisht, kritikat u shkaktuan nga fakti se në meny nuk kishte ushqime për veganët (nuk hanë ushqime që vijnë nga kafshët, duke përfshirë produktet e qumështit dhe vezët).

Me këtë rast, restoranti u ka kërkuar falje disa prej klientëve përmes një njoftimi në rrjetet sociale.

“U kërkova falje me mirësjellje dhe profesionalizëm njerëzve që ishin të zhgënjyer që ne nuk shërbejmë gatime vegane. Megjithatë, disa keqbërës menduan se ishte e drejta e tyre të kritikonin këtë fakt”, njoftoi restoranti.

Më pas, ata i pyetën veganët, “A mendoni se nëse ngacmoni dikë, ata do ta rishikojnë dhe do ta ndryshojnë vendimin?”

“Jo, nuk do të jetë. Ne jemi të ngopur me qëndrimin arrogant të ‘ne jemi më të mirë se të tjerët'”, sipas London House.

Restoranti ka bërë të ditur se në të kaluarën kanë pasur gatime vegane dhe opsione të ndryshme, por veganët i kanë inat.

“Ne kemi ndaluar së shërbyeri pjata vegane sepse jemi ngopur me qëndrimin arrogant “ne jemi më të mirë se të tjerët”.

Ata gjithashtu u thanë veganëve se ka restorante të tjera që kujdesen për ta dhe i udhëzoi ata të shkonin atje. /Telegrafi/