Një kinez ekzekutohet pasi vrau ish-bashkëshorten derisa ajo ishte në një “transmetim të drejtpërdrejtë në rrjetet sociale”

Një burrë kinez është ekzekutuar pasi një gjykatë e shpalli fajtor për djegien e ish-bashkëshortes së tij teksa ajo “ishte në transmetim të drejtpërdrejt në rrjetet sociale”.

Një gjykatë tha në një deklaratë të shkurtër në internet të shtunën në mëngjes se kishte kryer ekzekutimin e Tang Lu, shkruan The Guardian, përcjell Telegrafi.

Tang i vuri flakën ish-gruas së tij në shtator të vitit 2020, ndërsa ajo po transmetonte drejtpërdrejt në Douyin, versioni kinez i TikTok i drejtuar nga e njëjta kompani mëmë.

Gruaja 30-vjeçare, e njohur në internet si Lhamo, vdiq nga plagët e marra disa javë më vonë.

Në video të shkurtra dhe transmetime të drejtpërdrejta, Lhamo kishte ofruar një paraqitje të shkurtër të jetës së saj, duke treguar fshatrat e Sichuan dhe duke bërë blogje për jetën e saj.

Ajo ishte etnikisht tibetiane dhe shpesh vishte veshje tradicionale tibetiane në video.

Fushatat për vdekjen e Lhamos u intensifikuan kur presidenti kinez, Xi Jinping, mbajti një fjalim në një konferencë të OKB-së një ditë më vonë duke thënë se mbrojtja e të drejtave dhe interesave të grave “duhet të bëhet një angazhim kombëtar”.

Motra e Lhamos i kishte thënë Paper, një media zyrtare me bazë në Shangai, se motra e saj vuajti abuzim në familje nga Tang për vite me radhë dhe si rezultat, vendosi të divorcohej nga ai.

Policia e arrestoi burrin disa ditë pasi u përhap lajmi për sulmin.

Tang kishte apeluar kundër vendimit, por e humbi apelin në janar të këtij viti. /Telegrafi/