Ngjyra rozë e errët u shpall ngjyra e vitit 2011

Instituti i njohur amerikan “Pantone Kollor” parashikon se ngjyra rozë e errët me nuanca të kuqe do të jetë ngjyrë dominuese vitin e ardhshëm.

Kjo ngjyrë nuk do të dominojë vetëm në veshje, por edhe në enterierët në vitin 2011. Prodhuesi i njohur i ngjyrave tani më në mënyrë tradicionale i vendos standardet botërore në këtë industri, ndërsa vlerësimet e tij bazohen në studimin e trendeve midis dizajnerëve, prodhuesve, tregtarëve dhe blerësve.

Nga Instituti besojnë se nuancat e rozës-të kuqe janë shumë të preferuara, ndërsa roza e errët është ngjyrë pozitive që ndikon mbi humorin. Kjo ngjyrë e çelur nga një anë zgjon nostalgji dhe romance, ndërsa nga ana tjetër përshtatet lehtë, në veçanti me ngjyrën e kaltër dhe nuancat e saja.

Ngjyrat tjera dhe nuancat që i propozon Instituti për vitin e ardhshëm janë një numër i ngjyrave pastele dhe të brishta. Kjo do të thotë se na pret një pranverë romantike me ngjyra romantike dhe freskuese. Tani, kur dini se cila ngjyrë do të jetë më e popullarizuar për vetëm dhjetë ditë, një zgjidhje e mirë që të tregoheni se jeni “in”, do të ishte nëse e vendoseni si një shtesë moderne në dukjen tuaj për natën e Vitit të Ri.