Ngau veturën nën ndikim të alkoolit, shoferja nga Michigan përfundoi me mjetin e varur në tabelën e komunikacionit

Policia amerikane mbetur e habitur pas raportimit se një veturë ishte përplasur me tabelën e komunikacionit.

Ndodhi në Ann Arbor, Michigan, kur një grup i gëzuar prej katër vajzash përfundoi festën në një mënyrë të pazakontë.

Një Dodge Charger i bardhë u përplas me një shenjë ndalimi parkimi dhe mbeti i varur lartë, transmeton Telegrafi.

Policia mbërriti në vendin e aksidentit të pazakontë në kohë rekord, por ende shumë vonë për të gjetur në vendngjarje shoferin dhe tre pasagjerët.

Pas hetimeve u gjetën të gjithë pasagjerët, mes tyre edhe shoferja 24-vjeçare, e cila u konstatua se ishte nën ndikimin e alkoolit.

Nuk dihet nëse shoferja ka vendosur të festojë blerjen e një veture të re sepse ka targa testimi apo për ndonjë arsye tjetër, por pasojat janë të qarta.

Shoferja do të përballet për disa akuza dhe vetura duhet të servisohet. Përveç një gjobe të konsiderueshme, ajo përballet me një dënim me burg deri në 180 ditë.

Në njoftimin e saj, policia thekson se “për fat që nuk ka pasur lëndime të rënda”, por edhe se “duhet të planifikohet gjithmonë kthimi në shtëpi me shofer të matur dhe të mos vozitet kurrë nën efektin e alkoolit”.