Në qendër të Bazelit, një qytet të mbushur me jetë dhe kulturë, gjeni atelierin e një artisti të veçantë të flokëve – “Leovee Hairartist”, ku Leutrim Vezaj, i njohur si Leo, sjell pasionin dhe kreativitetin e tij shqiptar në zemër të Zvicrës. Origjina e tij nga Kosova dhe rrugëtimi i tij i mrekullueshëm nga një emigrant 16-vjeçar që nuk fliste gjuhën, në një stilist të njohur me një biznes të suksesshëm, është një histori frymëzimi për shumë.
“Quhem Leo, jam nga Bazeli, shqiptar, nga Kosova, tridhjetë e tetë vjeç dhe punoj si frizer në Bazel”, shprehet ai me një ton modestie dhe krenarie për identitetin dhe arritjet e tij. Lufta e vitit 1999 e detyroi të linte vendlindjen dhe të kërkonte një fillim të ri në Zvicër, ku pavarësisht sfidave, ai gjeti rrugën e tij drejt pasionit që do të formonte të ardhmen e tij.
Leo e kujton fillimin e tij të vështirë, “Ka qenë shumë vështirë se nuk e dija gjuhën, por e kam filluar dhe e kam mësuar me shumë sukses”. Ai i atribuon suksesin e tij përkushtimit dhe dëshirës së palëkundur për të mësuar. “Ka qenë një kohë e vështirë, domethënë, kam mbajtur shumë kurse gjermanisht, edhe pse e kam bërë profesionin”, shprehet ai mbi betejën e tij me përshtatjen dhe integrimin.
Në vitin 2007, guximi dhe ndërmarrësia e tij u konkretizuan kur ai hapi lokalin e tij të parë, duke u ngritur nëpërmjet sfidave: “Dy vite pas, e kam qelë lokalin tim… ka qenë shumë vështirë vitet e para”. Suksesi i tij tregoi se është e mundur të arrish në majë me punë të vazhdueshme dhe një qëndrim pozitiv.
Një nga momentet që i dha Leos konfirmimin që kishte të nevojshmen për të dalë në pah ishte kur, gjatë viteve të tij të hershme si stilist i flokëve, kreu një veprimtari të veçantë që tërhoqi vëmendjen e shefes së tij. “E ka ba këtë Leo?” i kishte thënë ajo, të cilës ai iu përgjigj me siguri, “Po.” Kjo përvojë e fuqizoi besimin e tij në vetvete, “aty e kam vërtetu që është diçka që ndoshta paskam talent.”
Edukimi dhe avancimi i tij nuk ndaloi aty. Si freelancer në Schwarzkopf, ai pati mundësinë të zgjerojë dijet e tij: “Është dashur ta mbyll lokalin që të shkoj për të mësuar atje.” Përvoja e tij atje i hapi dyert për t’u bërë një mësues dhe mentor për brezin e ardhshëm të stilistëve, “Prej kur kam kryer masterin, i mësoj nxënësit dhe jam krenar”.
Në Bazel, Leo njihet për teknikat e tij të ombre dhe balayage, dy nga shërbimet më të kërkuara në salonin e tij. Ai trajton secilin klient si një kanvas të ri artistik, duke investuar deri në gjashtë orë për të marrë rezultatet perfekte: “Për me realizu kështu si është më vyejnë katër orë deri në gjashtë orë“, shprehet ai duke treguar angazhimin e tij për detajet dhe cilësinë.
Leo ka sjellë jo vetëm talentin, por edhe një ndjenjë të komunitetit në punën e tij. Ai ka punuar me personalitete të famshme si futbollisti Albian Ajeti dhe artistët Gjiko dhe Rina, duke kontribuar në pamjen e tyre për raste të veçanta. Secili klient është një histori e re për Leo-n, dhe ai vazhdon të frymëzojë dhe të ndihmojë të tjerët në udhëtimet e tyre të stilit personal.
Jashtë kornizës së biznesit dhe pasionit të tij të madh për flokët, Leo gjen qetësi në momentet që i kalon me familjen dhe miqtë në ambientet e qytetit të Bazelit. Jeta e tij është një ekuilibër i shkëlqyer midis punës dhe kënaqësive të thjeshta, një mësim që e bën atë jo vetëm një artist të vërtetë, por edhe një njeri i admirueshëm.
Lufta Prigozhin - Putin
Më shumëProplus Call Center po vjen edhe në Gjilan!
Ligji i ri për tatimin në pronë, çfarë i pret bizneset nga viti i ardhshëm?
Ditët me fat kanë mbërritur në Neptun!
Ekzaminime falas për kancerin e gjirit në Albi Mall më 12 dhe 13 tetor
FASAL paraqet inovacionet e reja në Global Albanian Gastronomy Festival
Interes i madh – stoku po shteron! Volvo xc90 me zbritje 20,000€ vetëm për pak blerës të mbetur!
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Cili vend i BE-së ka më shumë njerëz që mësojnë shumë gjuhë?
Rrëfimi i dy paraguajanëve që mahniten me sakrificën e familjes Jashari kur vizitojnë Prekazin
Ronaldo u cilësua 'i paturpshëm' nga fansat për atë që postoi në YouTube momente pasi Messi fitoi trofeun me Inter Miamin
Detaje se si Michael Schumacher komunikon me familjarët pas 'paraqitjes së parë publike' në 11 vjet
Pamje rrëqethëse, filmohet momenti kur rrufeja godet shëtitoren në Tivar
Gjatë një sulmi ajror, ushtria izraelite godet depon ruse në bazën ushtarake në Siri