Në Maqedoni janë regjistruar tre raste me llojin e virusit britanik

Lloji britanik i coronavirusit deri më tani është identifikuar në tre pacientë në vend, njoftojnë nga Ministria e Shëndetësisë. Më 27 janar 2021, autoritetet kompetente shëndetësore njoftuan pacientin e parë të infektuar me llojin britanik të coronavirusit në vend, i cili tashmë është shëruar. Virusi u zbulua në laboratorin privat të klinikës “Zhan Mitrev” në Shkup, gjatë analizës së mostrave nga janari.

Në dy të tjerët të infektuar, njëri vdiq nga komorbiditeti, ndërsa pacienti tjetër është trajtuar që prej 26 janarit.

I ndjeri është një burrë 46 vjeç nga Ohri, i cili kishte sëmundje të mëparshme kronike. Ai mori një test pozitiv të Covid-19 më 4 janar dhe vdiq më 8 janar 2021.

“Mutacioni britanik i coronavirusit transmetohet 50 deri në 70 përqind më lehtë sesa covid-19 i njohur më parë, ndërsa vdekshmëria nga ky lloj është 35% më e lartë”, tha mjeku Goran Kungulovski i Laboratorit të Gjenetikës dhe Mjekësisë së Personalizuar në Klinikën Zhan Mitrev.

Sipas tij, ky lloj ka mundësi të ketë vdekshmëri më të lartë, të paktën me 35% krahasuar me llojet jo-britanike./Telegrafi/