NBA rifillon me 31 korrik dhe e gjithë pjesë e mbetur e sezonit zhvillohet në një vend

Sezoni i NBA do të rifillojë më 31 korrik dhe do të zhvillohet në një vend të vetëm, në resortin Disney World në Orlando.

Vendimi u ratifikua gjatë mbledhjes së Bordit të Guvernatorëve, ku 30 pronarë të NBA-së pranuan propozimin e komisarit Adam Silver, që kërkonte 3/4 e votave për të kaluar.

Është rënë dakord për formatin prej 22 ekipeve në vend të 30.

Do të jenë nëntë ekipet e para të Konferencës së Lindjes (Milwaukee, Toronto, Boston, Miami, Indiana, Philadelphia, Brooklyn, Orlando dhe Washington) dhe 13 të parat nga Konferenca e Perëndimet (LA Lakers, LA Clippers, Denver, Utah, Oklahoma City, Houston, Dallas, Memphis, Portland, New Orleans, Sacramento, San Antonio dhe Phoenix).

The NBA Board of Governors today approved a competitive format to restart the 2019-20 season with 22 teams returning to play and a tentative start date of Friday, July 31.

Full release: https://t.co/NYm89lLkX2

— NBA (@NBA) June 4, 2020

Playoff-et do të zhvillohen në gusht, me finalet që pritet të mbyllen brenda 12 tetorit.

Data e fillimit të sezonit tjetër është caktuar, megjithëse përkohësisht, 1 dhjetori. Drafti i vitit 2020 do të organizohet më 15 tetor.

Ekipet (secili në qytetin e tij) do të kryejnë një javë kamp trajnimi në fillim të korrikut (nga 30 qershor), përpara se të transferohen në Orlando më 7 korrik.

Të gjithë lojtarët do të kryejnë kontrolle të vazhdueshme shëndetësore dhe pjesa e mbetur e turneut do të luhet pa tifozë, në Kompleksin Sportiv të Sporteve në Espn Wide, brenda Disney World, në tri arena, që i lejojnë NBA-së të programojë 6 ndeshje në ditë pa i penguar skuadrat të stërviten.

Lojtarët do të testohen në hyrje dhe para çdo ndeshjeje. /Telegrafi/