NATO: KFOR-i mbetet në Kosovë për aq kohë sa është e nevojshme

Ndihmës Sekretarja e Përgjithshëm e NATO-s për Diplomacinë Publike, Baiba Braze vuri në dukje se misioni i KFOR-it do të mbetet në Kosovë dhe do të veprojë në përputhje me dispozitat e Këshillit të Sigurimit të KB 1244, duke garantuar një mjedis të sigurt dhe liri të lëvizjes për të gjitha komunitetet në Kosovë.

Kjo do të jetë rasti për aq kohë sa do të jetë e nevojshme, theksoi ajo në një video-fjalim në konferencën “Serbia dhe NATO – Partneriteti për të Ardhmen”, organizuar nga Këshilli i Politikës Strategjike, në bashkëpunim me Ambasadën e Bullgarisë, si një vend kontakti për Marrëdhëniet Serbi-NATO duke kujtuar deklaratën e Sekretarit të Përgjithshëm të NATO-s, Jens Stoltenberg gjatë një takimi me Presidentin Serb Aleksandar Vuçiç.

@NATO is committed to building a strong partnership with #Serbia. Serbia is our a valued, respected, and important partner. Serbia is important to NATO – said @NATOBrazeB at the Conference dedicated to the 15th anniversary of Serbia and NATO partnership.#partnershipforpeace https://t.co/379csU93z2 pic.twitter.com/qntzC11DBK

— NATO Military Liaison Office Belgrade (@NATO_Belgrade) June 4, 2021

Braze tha se “NATO mbështet plotësisht dialogun dhe normalizimin e marrëdhënieve midis Beogradit dhe Prishtinës, nën kujdesin e BE-së”.

Ajo vuri në dukje se NATO ka qenë gjithmonë e përkushtuar për paqe dhe stabilitet në Ballkanin Perëndimor.

Braze vuri në dukje se shumica e vendeve në rajon janë anëtare të NATO-s, por disa vende, të tilla si Serbia, kanë marrë një vendim tjetër dhe Aleanca respekton një vendim të tillë sovran. /Telegrafi/