Napoli bie dakord për rinovim me lojtarin titullar, negocion edhe me Amir Rrahmanin dhe dy yje tjerë

Klubi italian, Napoli ka arritur marrëveshje për rinovimin e kontratës me njërin nga lojtarët kryesor të ekipit këtë sezon, teksa po bisedon edhe me tre lojtarë tjerë për kushte të reja, ku njëri nga ta është kapiteni i Kosovës, Amir Rrahmani.

Sipas gazetarit italian Matteo Moretto, Napoli është afër finalizimit të një zgjatjeje të kontratës me mbrojtësin e majtë Mathias Olivera.

Raporti thotë se të dyja palët kanë rënë dakord për kushtet për një marrëveshje që zgjat deri në vitin 2030, me vetëm nënshkrimin dhe njoftimin zyrtar në pritje.

27-vjeçari uruguaian do të fitojë dy milionë euro në vit, plus 500 mijë euro bonuse. Kontrata e tij aktuale skadon në vitin 2027.

Mancano solo le firme per il rinnovo di Mathías Olivera con il Napoli fino al 2030.

Il calciatore uruguaiano guadagnerà circa 2 milioni di euro netti + 500 di bonus.

Il club vuole blindare e prolungare anche il contratto di altri titolari della rosa.

Trattative in corso, più… https://t.co/KYv14Ho59U

— Matteo Moretto (@MatteMoretto) January 15, 2025

Klubi është gjithashtu në bisedime për vazhdimin e kontratave me kapitenin e Dardanëve, Amir Rrahmani dhe mesfushorët Stanislav Lobotka dhe Andre-Frank Anguissa, pasi synojnë të sigurojnë lojtarët kyç për të ardhmen.

Olivera ka bërë 20 paraqitje për Napolin këtë sezon, duke kontribuar me një asistim. /Telegrafi/