Musk thotë se Apple kërcënon ta heqë Twitter-in nga dyqani i saj i aplikacioneve

Elon Musk thotë se Apple ka kërcënuar se do të heqë Twitter-in nga dyqani i saj i aplikacioneve për arsye të panjohura.

Lajmi vjen pas një postimi në Twitter ku Musk tha se Apple “kryesisht kishte ndaluar reklamat” në platformë dhe një sondazh që pyet nëse Apple duhet “të publikojë të gjitha veprimet e censurës që ka ndërmarrë që prekin klientët e saj”.

“Apple ka ndaluar kryesisht reklamat në Twitter. A e urrejnë fjalën e lirë në Amerikë?”, tha ai.

Apple has mostly stopped advertising on Twitter. Do they hate free speech in America?

— Elon Musk (@elonmusk) November 28, 2022

Ai iu drejtua drejtpërsëdrejti CEO-s të Apple – duke e pyetur: “Çfarë po ndodh këtu @tim_cook?”

Musk pretendoi gjithashtu se Apple kishte kërcënuar se do të ndalonte Twitterin nga dyqani i saj i aplikacioneve, por nuk tha pse.

Apple has also threatened to withhold Twitter from its App Store, but won’t tell us why

— Elon Musk (@elonmusk) November 28, 2022

Lajmi pason pas tensionit në rritje midis Apple dhe Twitterit. Musk ka kritikuar tarifën që vendos Apple për aplikacionet në dyqanin e saj, derisa Musk e quajti “taksë e fshehur prej 30 për qind në internet”.

Apple’s store is like having a 30% tax on the Internet. Definitely not ok.

— Elon Musk (@elonmusk) May 3, 2022

Literally 10 times higher than it should be

— Elon Musk (@elonmusk) May 3, 2022

Së pari, vetëm Apple vendos se kush lejohet në App Store. Nëse Apple do të donte, mund të ndalonte shkarkimin e Twitter-it në iPhone në të gjithë botën – gjë që do të ishte një goditje shkatërruese për Twitter.

Jo vetëm kaq, por Apple gjithashtu mund t’i vë tarifë aq sa do për privilegjit e të qenit në App Store. Për kompani si Twitter, kompania mund t’i vë tarifë diku nga 15-30 për qind për blerjet brenda aplikacionit.

Pronari i Twitterit, i cili e bleu kompaninë për 44 miliardë dollarë muajin e kaluar, është nën presion pasi disa kompani po i ndalojnë reklamat. /Telegrafi/