Mitreski: Deputetët ta kryejnë punën e tyre, të miratojnë ligjet dhe më pas le të shpërndahet Kuvendi

Kryetari i grupit kuvendar të LSDM-së, Jovan Mitreski në konferencë për shtyp në Kuvend tha se “ne si grup kuvendar e thamë se kemi ligje që duhet t’i miratojmë para shpërndarjes së Kuvendit, që të mbahen zgjedhjet më 12 prill”.

Mitreski thotë se Ligji për Mbrojtjen, Ligji për pagesën e pagës për profesorët dhe Ligjin për Prokurori Publike duhet të miratohen para shpërndarjes së Kuvendit, njofton Telegrafi Maqedoni.

Mitreski ju bëri thirrje deputetëve për bashkëpunim me qëllim që në kohë të shpërndahet Kuvendi në mënyrë që zgjedhjet të mbahen më 12 prill.

“Është fakt se OBRM-PDUKM pardje i anuloi komisionet për ditën e premte më 14 shkurt, dhe kërkon zgjedhje më 12 prill. Fakt është se dje OBRM-PDUKM kërkonte mënyrë se si të hyjë në Kuvend, pas gjithë atyre deklaratave se do nuk do të jetë në Kuvend”, tha Mitreski.

Ai gjithashtu ju bërë thirrje deputetëve të mos mbajnë fjalime për ligjet dhe të votohen ligjet që janë në rend dite.

“Le të votojmë ligjet e rëndësishme dhe menjëherë ta shpërndajmë Kuvendin”, tha Mitreski./Telegrafi/