Mirënjohje për heronjtë e heshtur – punëtorët social dhe ndikimi i tyre në shoqëri

TI JE FORCA, u themi të gjithë punëtorëve social që punojnë me përkushtim për mbrojtjen dhe rritjen e mirëqenies dhe cilësisë së jetës së fëmijës, familjes dhe komunitetit.

Punëtorët social janë profesionistë të cilët punojnë për fëmijët, të rriturit dhe familjet për të tejkaluar sfidat dhe problemet. Ata përmirësojnë mirëqenien në komunitet, përmes shërbimeve që ofrojnë në baza ditore. Ata luajnë një rol jetik në raste emergjente dhe kohë krize, duke ofruar mbrojtje dhe shërbime të menjëhershme.

KOMF përmes fushatës vetëdijesuese, ka për qëllim të shfaqë rëndësinë dhe ndikimin që kanë punëtorët social në jetën e fëmijëve dhe familjeve në nevojë për shërbime sociale.

Mirënjohje e vlerësim për punën fisnike, të gjithë punëtorëve social!

Kjo video vetëdijesuese mundësohet në kuadër të projektit “Fuqizimi i akterëve të shërbimeve sociale për të ofruar shërbime cilësore dhe të qëndrueshme për fëmijët dhe familjet e cenueshme në Kosovë”, mbështetur nga UNICEF në Kosovë në partneritet me USAID në Kosovë.